سنیآنلاین| مولانا محمدقاسم قاسمی ماں زاهدان جمعه نمازے دیوانا (18 مهر 1399/ 10 اکتوبر 2020) گوں اشاره به مولانا کوهی شش سال ۆ چار ماهے حکما گوں آ حکمے دوارگێن چارگے لۆٹا، اِے کارا را په «تپاکی ۆ همدلیئے گێش کنگ» ۆ دشمنانِ بد کارمرز کنگے دێمگرگا سۆبمند زانت.
په سنیآنلاین سرهالا، مفتی محمدقاسم قاسمی درشان کرت: مولانا فضلالرحمان کوهی یکے شه دینی ۆ علمیئێن واجهکار ۆ شه ڈیهئے سرۆکاننت که پد شه چنکه ماه بندیگا به چنکه سال زندانیا محکوم بوته ۆ مردم اے حکمے بابتا پرێشاننت.
زاهدان جمعهوے خطیبا گوَشت: مولانا فضلالرحمان شه دلسۆچی ۆ خیرلوٹیا لهتێن نگد کرتت، بلێن انتظارے که ما شه ذمهوارانِ دلپراهی ۆ دورچاری ۆ همےرنگ شه قضاییئێن سرۆکانَ داشت، اێشت که اِے بنگپا همے استانے تها گوں پاگواجه ۆ مزن رهشۆنے نهاد ۆ استانے ذمهوارانِ سوَبَا حل کننت، بلێن اے بنگپ به برزترێن ذمهواران کشگ بوت که اِے حکم دیگ بوت.
مفتی محمدقاسم تأکید کرت: ته جایے که ما زانن مولانا فضلالرحمن صالح ۆ پهرێزکنۆکێن انسانے بوته ۆ زانتکاران ماں نامهوانے که دێمترا په ذمهواران لکِّته اے بنگپا را پدّرش کرته. [شِدُ دێم سیستان ۆ بلوچستانے نامیۆتواریئێن پاگواجهئان گوں چنکه نامهوے نبشتنا په مزن رهشۆنا، مولانا کوهی آزاتیارش لوٹتت.]
دارالعلوم زاهدانِ حدیث ۆ فقهئے مزنێن استاذا تأکید کرت: اهلسنتانِ پاگواجه حکومت ۆ استمانے خیرا لوٹنت، مولانا کوهی هم ماں وتی هبران شه حکومتے سهرێن کشکان رد نبوته، آ واجهئا حکومت ۆ مزن رهشۆنے منّوک بوته ۆ هر وهدے مذاهبانِ مقدساتانِ حرمتانَ کِمارِ کرته.
دارالعلوم زاهدانِ دارالافتاوے سرمسترا وتی هبرا را دێما برت: ما اصلیئێن قضائیئێن کانونانِ تها دارن که کانون به متهمے نپا گێشۆگیوّارَ بیت؛ بزاں اگه یک نپرے ماں جایے هبرے داته که بیتکنت دو بزانت داشته بیت، گڑا هما بزانت زورگ بیت که گهترنت.
واجهئا دێمترا گوَشت: درّێن ذمهواران جهان اسلامے نونێن جاورا خبَ زاننت ۆ ما ۆ مئے مردم هم سهیان، نونێن جاورانِ تها که جهان اسلام ۆ همےرنگ مئے ملک گوں ناجوڑی ۆ وڑ وڑێن سکّیان دێمپهدێمانت، ما لوٹن که همدلی ۆ تپاکی ساتگ بیت.
مولانا محمدقاسم وتی هبرانِ گڈسرا تأکید کرت: آ چیزے که به یکّۆیی ۆ همدلیا مدتَّ کنت ۆ دشمنانِ بدکارمرز کنگے دێما گیت، اێشنت که مولانا فضلالرحمن کوهیِ حکم دوارگ چارگ بیت. مئے درّێن مردم هم وتی اشکاما ساتنت، پدگیری ۆ گپ ۆ گالان اے بابتا شه زانتکارانِ نێمگا بَیَگنت که گوں دورچاری ۆ دلپراهیئے که ذمهواران دارنت، امیت دارن که اے بنگپ ۆ دگه سکّیان په جْوانی ۆ کراری گێشّێنگ بینت إنشاءاللهتعالی.
چمشانک