مروچی :جمعه, ۱۰ فروردین , ۱۴۰۳

دارالعلوم زاهدانِ نۆکێں وانگی سال بنگێج بوت

دارالعلوم زاهدانِ نۆکێں وانگی سال بنگێج بوت

دارالعلوم زاهدانِ نۆکێں (40-1439 هـ. ق.) وانگی سالِ بنگێجی دیوان زیگێں صباحا (17 تیر 1397) گۆں اِے دینی مرکزِ طالب و استادانی مُچّیا زاهدانِ مکّی مسیتّا برجم دارگ بوت.
په سنی‌آنلائنِ هالکاریا، واجه مولانا عبدالحمیدا اِے دیوانا صحیح بخاریِ اولی حدیث «إنَّمَا الأعمَالُ باِلنِّیّاتِ…» تشریح کت و گیشّێنت و په نیّتانی پاک و صاف بیگا گپ کت.
واجه مولانا عبدالحمیدا درّائێنت: یکے چه دینِ ٹوهێں حکماں اخلاص و کاراں بسّ اللهِ واستا کنگ اِنت. کارے که په خدا مبیت، سست و نزۆر اِنت و آئیِ اثر پَشت نکپیت. هرکس که لۆٹیت دنیا تها آئیا نقش و اثرے بیت، باید وتی کارانی تها اخلاصی بیت.
واجها گێش کرت: مئی مراد باید تمام کارانی تها اللهِ رضامندی بیت. آ راج و ملتاں که خدایی مقصد، اخلاص و وش‌رفتار بنت هر حالا پیروز بنت. اخلاصا تاریخِ دراجیا وتی اثر اِێر کتگ.
مولانا عبدالحمیدا گوشت:‌ اگه شما مرۆچی اِدا دارالعلوم زاهدانا خیر و برکتے گند اِت واجه مولانا عبدالعزیز رحمةالله‌علیه اخلاص و دعاءِ برکت اِنت و مردمانی حمایت و کۆششانی ثمره اِنت.
دارالعلوم زاهدانِ نۆکێں سالِ بنگێجی دیوان گۆں واجه مولانا عبدالحمیدِ دعایا تمام بوت.
بلۆچستانا دینی مدرسه‌یانی وانگی سال هرسال چه شوالا بنگێج بیت و رجبِ ماه آخراں هلاس بیت.


چمشانک

دیدگاهتان را بنویسید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *