مولانا جلالالدین شهبخشِ نمازجنازه که پرندوشی جمعهیِ شپا نوبندیان وفات بوتگت، زیگیں بیگاها (31 شهریور1396) زاهدانِ کورینِ حسنآبادا وانگ بوت.
په سنیآنلائنِ هالکاریا، مولانا جلالالدین یکے چه دارالعلوم نوبندیانِ زرنگ ؤ زحمتکشّیں استاداں بوتگ، رند چه اِشی که واجها وتی درس چه منبعالعلوم کوهون دربرتنت، په نوبندیانِ دینی مدرسهیِ استادیا گچیں کنگ بوت ؤ واجها وتی با برکتیں عمر همودا گوازینت.
همے پیم مرحوم مولانا جلالالدین یکے چه تبلیغی جُهدکاراں بوتگ ؤ په مردمانی دعوت ؤ اصلاحا باز جهد ؤ کوشش کتگ. اِے واجه وتی عمرِ آخری شپا هں گوں طالباں یک مسیتّے تشکیل بوتگ که بامگاها واجهِ حال ناجوڑ بوتگ ؤ همادمانا ساهی داتگ.
الله پاک، واجهِ درجاتا برز کنات، وتی رحمتانی سارتیں ساهگا جاه دیات ؤ واجهِ پشپداں صبر ؤ اوپار دیات.
مروچی :پنجشنبه, ۱۴ خرداد , ۱۴۰۵
چمشانک