«رسول اکرم صلیاللهعلیهوسلمِ» درمانجاه گوستگیں جمعهیِ روچا (17 دی ماه) گوں واجه مولانا عبدالحمید ؤ دگه لهتے کارمسترانِ حاضریا پاچ کنگ بوت.
په سنیآنلاینِ هالکاریا واجه مولانا عبدالحمیدا اِے درمانجاهِ بنگیجی دیوانا غیر چه مولانا عبدالحمیدا ، ڈاکٹر امینی فرد ایرانشهرِ جهگیرِ مَں پارلمانا، ڈاکٹر رضائیاں ایرانشهرِ پزشکی دانشکدهیِ کارمستر ؤ بازیں مردمے اِے دیوانا مچ بوتگنت.
واجه مولوی محمدنوح دامنی اِے درمانجاهِکارمسترا په اِے درمانجاهِ اصلی مول ؤ مراداں گوشت: بازیں شهر ؤ روستائے مردم په درمان واستا ایرانشهر یاینت، اِے دابیں درمانجاه گوں دوا ؤ درمانِ پول ؤ هزینهیانی کمکنگا تواننت، مزنیں کمکے په بےوس ؤ بزّگیں مردماں بکننت.
واجه مولانا عبدالحمیدا اِے درمانجاهِ جوڑکنگ مسجدِ گورا جوانیں کارے زانت ؤ گوشتی: دگراں باید چه اِے کارا رندگیری کننت.
ڈاکٹر امینی فردا هں چه اِے درمانجاهِ بنرد گروکاں منتواری کرت ؤ قولی دات که گوں آیاں کمک ؤ همکاری بکنت.
چمشانک