زاهدان-روتاک مرزپرگهر/ زیگیں روچا (17 دی 1395) ابرانشهرِ دو بلاهیں دینی مدرسه ؤ وانگجاه شمس‌العلوم ؤ دارالعلوم حقانیهیِ جنین ؤ مردیں طالبانی زانت‌دربری ؤ پاگبندی دیوان برجم دارگ بوت. مَں اِے دیوانا بازیں عالم ؤ زانتکار، مسئول ؤ کارمستران ؤ بازیں مردمیا بهر زرت.
دیوانِ اولی بهرا واجه مولانا عبدالصمد دامنی دارالعلومِ حقانیهیِ کارمسترا چه تمامیں واجهانی بهرزورگا منت‌واری کرت ؤ شاباش گوشتنت. رند چه واجه دامنی ئا بازیں واجهے گوں وتی گپ ؤ تراناں مردم پنت ؤ نصیحت کرتنت.
چه ملکی کارمسترا هں بازینے چوش حجت الاسلام شجاع الدین ابطحی ایرانشهرِ شیعیانی جمعه‌یِ پیشنماز ؤ سید حامد علم الهدی چه مجمع تقریب مذاهبِ نیمگا گپ ؤ تران کرت.
دیوانِ گڈی بهرا رند چه جمعه‌یِ نمازا واجه مولانا عبدالحمیدا گپ ؤ تران کرت. واجه‌ئا مَں وتی گپاں اسلامِ دین میانی دین ؤ رحمتِ دین زانت. مولانا عبدالحمیدا همے پیم په دینی ؤ مذهبی آزاتیاں تاکید کرت.
رند چه واجه مولانا عبدالحمیدِ گپاں دوئیں وانگجاهِ زانت‌دربرتگیں طالبانی سرا پاگ بندگ بوت ؤ همے پیم آ بانُکاں که وانگش دربرتگت نامش وانگ بوت ؤ داد/جائزه دیگ بوت.
مروچی :جمعه, ۷ اردیبهشت , ۱۴۰۳
چمشانک