سنیآنلاین -بلوچی-/ شیخالاسلام مولانا عبدالحمیدا ماں پیگامے گوں وتی اپسوزَے درشاں کنگا چه مرحوم مولانا احتشامالحق آسیاآبادییَے شهید بیگا، واجهَے شهادتی په آئییَے لوگی مردم و دگه واهگداراں تسلیت گوشت و وتا گَمانی شریدار زانت.
مرحوم مفتی احتشامالحق آسیاآبادی گوں وتی زهگ مولوی شبیراحمدا گوستگیں یکشنبهَے بیگاها ماں رودراتکی بلوچستان کیچَے شهرا گوں ناشناسیں سلاهبندانی تیرگواریا شهید کنگ بوت.
?واجه مولانا عبدالحمیدَے پیگام شما را پیش کنگ بیت:
«إنالله و إنا إلیه راجعون»
هر بیگناهیں انسانیا ترور و بیگواه کنگ، زشت و ناپسند و محکومیں کارے، بلے اِے کارَے زشتی هما وهدا گیش بیت که یک دینی عالمے نیمگا دست دراجی ببیت.
من چه واجهیں عالم و مجاهدیں زحمتکشّ مولانا مفتی احتشامالحق، آسیاآبادَے «جامعه رشیدیه»یَے کارمستر و بُنرد گروک گوں واجهَے زهگَے یکجاهیا شهید بیگَے هالا سکّ پدرد بوتاں.
مولانا احتشامالحق رحمهالله، یک مزنیں محقق و دلسوچیں عالمے اَت که بازیں هزمتے په پاکستانَے چاگرد و خاصکار رودراتکی بلوچستانا کرت. واجهَے رهشونیاں ماں مختلفیں فکری و عقیدتی پڑ و میداناں بازینے واستا حقیقتَے راه پچ کرت.
من گوں وتی دلپدریَے درشان کنگا، واجهَے شهید بیگا په مرحومَے لوگی مردم، سیاد و شاگرد و واجهَے تمامیں واهگداراں تسلیت گوشان و چه پاکیں اللهَے بارگاها په واجه و واجهَے زهگا بکشش و درجهیانی برزی و په پُشپداں صبر و اوپارا لوٹوکاں.
?(مولانا) عبدالحمید
زاهدانَے جمعهیَے پیشنماز و دارالعلوم مکّییَے کارمستر
چمشانک