زاهدانءِ موقتي جمعهءِ پيشنمازءَ وتي جمعهءِ وعظاں(27/دي/1392)گوں إے آيهءِ وانگءَ «لقد جآءكم رسول من أنفسكم عزيز عليه ما عنتم حريص عليكم بالمؤمنين رئوف رحيم.» شروع كت أنت وگوشتي: گوں ربيع الأولءِ پربيگءَ مردم په تاريخءِ مستريں تحولءِ يادءَ كپيت كه ماه ربيع الأولءِ مستريں تحول، پيغمبرءِ پيداگ بوگ إنت، ماں سال 571 ميلاديءَ كه سال “عام الفيل” هں گوشگ بيت ، پيغمبر وتي مباركيں قدم ماں دنياءِ تها إير كت. إے وهدي مردم ماں مادي ومعنوي فقرءُ ناداريءِ تها كپتگ إتنت، چه حضرت عيسي مسيحءَ رند كه بازيں قرنے گوستگ أت هچ پيغمبرے په انساناں ديم ديگ نبوتگ أت.
آياني اخلاق ورفتار سك پست أت، قرآنءِ مجيد آياني بديں حالا إے پيما بيان كنت: وكنتم علي شفا حفرة من النار فأنقذكم منها.
مولانا احمدءَ پرمائينت: إے اسفناكيں حالت ديم روي كنگ أت تا إشي كه الله تعاليءَ پيغمبر په نبوتا گچين كت والله تعاليءَ گوں پيغمبرءِ مبعوث كنگا إے بشارت په انساناں دات كه بهارگاه موسم په كل انساناں رستگ و جهل و ناداني ءِ زمستانا پشت كتگ و هدايتءِ هوراں په گوارگا لگتگ أنت.
مولانا احمدا ديما پرمائينت: بے شك هما كس تونيت كه چه إے بهارگاها گيشتر بهر بزوريت كه پيغمبرءِ تعليماني سرا عمل بكنت، وانساناني بهارگاه ماں پيغمبر حكماني سرا اوشتگءِ تهاإنت. صحابهءِ كراما چه إے بهارگاها شر بهر زرت.
زاهدانءِ جمعهءِ پيش نمازءِ نايبءَ مردماني چه پيغمبرءِ اخلاقي زندگيءَ سهيگ كتنت وگوشتی: يكے چه پيغمبر اخلاقي صفتاں صبر وبردباري أت، پيغمبر اهانت كتگ بوت، سگندگ واجه سرا دور ديگ بوت و هردابيں اذيت وآزار ديگ بوت، بلے پيغمبرا إے پهک تحمل كت أنت، تا بلكيں يكے چه إشاني اولاداں مسلمان ببيت. گڑا بايدنت مسلماناں پيغمبرءِ إے صفتاں ماں وتي زندا بيار أنت و یکادگرءَ برداشت بکن أنت.
مولانا احمدا گوشت:يكے دگه چه رسول الله ءِ اخلاقي صفتاں سيادي و خويشاونديءِ رشتگ ءِ دارگ إنت پيغمبر پرمائينت: هركس ماںكه ماں دنياءا سياديءي رشتگا بداريت الله تعالي آئيءَ وتي رحمتاني چيرا قرار دات وهركسے كه سياديءِ رشتگا ببريت الله تعالي وتي رحمتانا چه آئي بريت. په همے سياديءِ رشته دارگ وهديكه پيغمبرا مكه فتح كت قريشياں واجه باز اذيت وآزار داتگ أت بلے واجها آ پهك معاف كت أنت.
واجها ديم گوشت: دگه اخلاقي درسے چه پيغمبرءِ زندگيا وفا كنگ و اوشتگ وتي قول و عهدءِ سرا إنت. واجه پيغمبر همك وهدا وتي عهد وقول ءِ سرا اوشتاتگ أت وپرمائينتي: لا إيمان لمن لا عهد له. آئي كه قولي مبيت آئيءَ ايمان نيست.
دارلعلوم زاهدانءِ اداري معاونتءَ پرمائينت:”عدالت” و”تپاكي” چه پيغمبر صفاتان أنت ، يكے چه پيغمبرءِ كاراں وهدے كه مدينهءَ آتك مهاجرين و انصارءِ در مياني مؤاخاة وبراتي ءِ پيماني بست.
گڑا بايدنت مروچگيں مسلماناں هں گوں وت برات ببنت، هما پيما كه مهاجرين وانصارا گوں براتي، مدينه منوره إش آباد كت مسلمانانں هں گوں براتي وتپاكي وتي مشكلاتانا حل بكن أنت.
واجهءَ آخر سرا گوشت: مارا اميت إنت كه “براتي” و”وحدت” ماں چاگردءِ هربهرے رعايت كنگ ببيت واهلسنت ماں پهكيں اداري مسئوليتاني تها گوں وتي براتي شيعياني كرا كار زورگ ببنت
چمشانک