مروچاں ایرانءِ تها یک فیلمے ماں سینمایاں نشان دیگ بیت کہ یک مردے پہ نام مجید مجیدی آیرا جوڑ کرتگ.
اے فیلمءِ اصلی بُنگپ و موضوع، واجه رسولالله صلیاللهعلیهوسلمءِ، زندماں/سیرت انت کہ واجہءِ زندال تا 12 سالگیءَ پیش دارگ بیت. مجیدیءِ فیلمءِ تها بازیں رَدی و خطائے مان اِنت.
مجیدیءَ اے فیلمءِ تها، سردار دو جهان واجہ پیغمبرصلیاللهعلیهوسلمءِ عکس و بُت کشّتگ و یک مردمے بالاد و تواری پیش داشتگ.
اے کار هچ وڑا جوان نہ انت، پرچا کہ اسلامءِ رهبندانی مطابقءَ تصویر کشّگ و عکس گرگ جائز نهانت، خاصکار پیغمبر و رسولانی عکس و تصویرءِ کشّگ.
اے فیلمءَ وس کرتگ کہ بازیں معجزهای پیش بداریت و پہ همے لحاظءَ دروگیں روایتانی پدا شتگ و یهودءِ تاثیر باز کرتگ و آوانءَ ماں هرکارے هور کرتگ.
اے فیلم، بنی امیه و بنی هاشمءِ جیڑه و گِروکَشّءَ یک قدیمی قصهاے زانت کہ آ چہ هما اولا گوں وت تپاک و دوست نبوتگ انت. و همے دژمنی گوں بنیهاشمءَ سب بوتگ کہ ابولهبءِ جنین وتی مولدءَ پہ عبدالمطلبءِ نواسگءِ شیر میچینگءَ مَهلّیت.
گیشتریں جاگاهاں، فیلمءِ روایتاں شہ اصلی روایتاں ٹگلتگ انت. چوکہ حلیمهءِ آتن ماں مکهءَ و محمدءِ بُرتن، یهودءِ سهی بوتن، ابوطالبءِ مسلمانی و شہ شامءِ ملکءِ برگردگ و گوں یک قومے ماں دریا ءِ کرا ڈیک وارتن و غدیر نامءِ گرگ و…. اے دابیں روایت مئے چما نیهتگ انت.
انچو مارگ بیت کہ اے فیلم جوڑ کنوکءَ لوٹتگ کہ شہ اسلامءِ تاریخ و واجہءِ زندءَ راستیں روایت و قصهاے پیش مداریت، بلکیں لوٹتگی کہ گیشتر یهودءَ مزن بکنت، بنیهاشم و بنی امیهءِ کینگاں ڈلگ بکنت و آخرءَ اے فیلم مسیحیت و عیسائیتءِ رنگ و بو نشان دات.
مروچی :پنجشنبه, ۱۴ خرداد , ۱۴۰۵
چمشانک