و عن أنس بن مالك رضي الله عنه يقول جاء ثلاثة رهط إلى بيوت أزواج النبي صلى الله عليه وسلم، يسألون عن عبادة النبي صلى الله عليه وسلم فلما أخبروا بها كأنهم تقالوها، فقالوا وأين نحن من النبي صلى الله عليه وسلم، و قد غفر له ما تقدم من ذنبه وما تأخر، قال أحدهم فأما أنا فأصلي الليل أبدا، وقال آخر أنا أصوم الدهر ولا أفطر وقال آخر أنا أعتزل النساء فلا أتزوج أبدا.
فجاء رسول الله صلى الله عليه وسلم إليهم فقال أنتم الذين قلتم كذا وكذا؟ أما والله إني لأخشاكم لله وأتقاكم له، لكني أصوم وأفطر وأصلي وأرقد وأتزوج النساء فمن رغب عن سنتي فليس مني. أو کما قال علیه صلوة والسلام
(متفق علیه، مشکاة المصابیح الاعتصام بالکتاب و السنه)
روایت کنوک حضرت انس رضی اللہ عنہ انت ہما مردم کہ وہدے رسول اللہ صلی اللہ علیہ وسلم مدینہ شریفء ایرکپت، آ نوک رُستیں ورناے ات چہ ہما روچاں داں رسول اللہ صلی اللہ علیہ وسلمء آخری روچاں شپ و روچ واجہ صلی اللہ علیہ وسلم خاصیں خدمت گزار و کستر پاد اَت۔
حضرت انس رضی اللہ عنہ گوشیت کہ سئے مردم واجہء لوگء اہتنت و آیانی آیگء مقصد ہمیش ات کہ بزان انت باریں رسول اللہ صلی اللہ علیہ وسلمء شپ خیزی چون انت و نماز و ذکر و واب آگاہیء دوستگٹی چی انت وہدے آیانء جواب رس ات گوشئے آیاں واجہء شپی نماز و عبادتانء کم زانت، گڑا گوشتش کہ رسول کریم صلی اللہ علیہ وسلمء بازین عملےء حاجت ہم نیست چیا کہ آ اللہء رسول انت و آئی اگر کمّی و کسرے بوتگ اللہ تعالیء بخشتگ آئرا ہچ پیمیں کمی گیشیء جست نہ بیت پمشا اگہ آدگہ نفلی عبادت بکنت یا مکنت معنا یکے۔
پمشا چہ آیاں یکےء گوشت من دگہ براں شپء تاں صُحبء نماز واناں دومی گوشت من وتی زندء ہمک روچان روچگ بان و ہچ بر دَپ پچ نہ بان سیمیء گوشت کہ من سانگ و سور نہ کناں و چہ سانگ و سورء وتا ہمیشہ دور داراں۔
وہدے رسول اللہ صلی اللہ علیہ وسلم لوگء اہت بیبیاں اے مردمانی جست و وتی جواب عرض کرتنت، و اے گپ ہم گوشتنت کہ اشان چوش و چش گوشتگ، رسول اللہ صلی اللہ علیہ وسلم اشانی گورا تشریف فرما بوت و فرمان ے کرت کہ شما اے پیم گوشتگ؟ بلئے من چہ شما ہر کسء گیشتر خداترس تر و پہریزکارتر اوں انگت روچگ داراں ہم و نہ داراں ہم، شپاں تاں صُحب نماز ہم واناں، و توامیں شپاں وپسان ہم، و سانگ و سور ہم کنان ہر کس کہ چہ منی کِشکء در بئیت چہ منی امتء نہ انت۔
ف؛ بنگپ چہ ادا انت کہ وہدے آنحضرت صلی اللہ علیہ وسلمء انسانء زندء مقصد و قیامتء ہول و حال و جنت و جہنمء ندارہ بیان فرمائینت انت چہ اے حال و گپانی پا شک بوگء رند صحابہ کرام رضی اللہ عنھم اجمعین پریشان و دلتپر کہ بوتنت کہ باریں آیانی آخرتء حال و بود چے بیت چیا کہ اللہ تعالیء آروچء چہ وتی سازتگیں انسانء بازیں جست و پرس و حساب و کتابے کنت چہ ہما ترند و بیمناکیں جستان کہ آروچاں چہ انسانء بنت مزنیں جستے ہما روچانی انت کہ انسانء زمینء سرء زمانگء گوازینتگ انت دومی گپ ایش ات کہ آ واجہ ہما مردم انت کہ آیانی خیالء آیاں وتی زندء مزنیں بہر و حصہے اللہ تعالیء حکمانی پروشگء گوازینتگ ہمے حال و جاورانی درگتء آیاں ہمے فیصلہ کرت کہ آوتی زندگانیء پشت کپتگین روچاں شپ و روچ پہ نماز و روچگ ایدگہ عبادتاں بگوازین انت یکےء خیال ہمیش ات کہ آ وتی کمّیء پہ نماز و دومیء خیال ات کہ آوتی تیاریء پہ روچگ و سیمیء خیالء پہ چڑئی و بے بندری پورہ بکننت۔
بلئے وہدے رسول کریم صلی اللہ علیہ وسلم سئی بوت آئی اے سئینانی فیصلہ پروشت انت واجہء مقصد ہمیش ات کہ انسانء آخرتء کامیابی گوں تقوی و اللہء حکمانی پورہ کنگء انت چہ ہمے راہا انسان اللہء رحم و کرمانی اوستی بیت وتی سرا زور زیاتی کنگء نہ۔
انسانء اے نزوریں جسم و جان پہ وردن زندگ انت ہمے پیمء ایشرا آرام و سکون ہم پکارانت پمشا باید انت انسان روزی ہم بوارت و انسان بوپسیت ہم ہمے پیما سانگ و سور انسانء شخصی و ذاتی ضرورت انت ہم آئی ملکی و راجی بار و ذمداری انت ہم چہ ہمے راہا زمینء سرا انچیں انسان کاینت کہ حقء بیر کدار بنت و گوں باطلء دیم پہ دیم بنت، و ہمک دابیں جنگ و دعواء دستاں لانچ انت و اشتنت، دین آسانی ے ہمے کمیں کار انسانء مزنیں درجہانی سر گوزگء سبب جوڑ بنت، بزان اول گپ ہمیش انت کہ انسانء زندگیء مقصد قرآن و سنت بہ بیت و اللہء حکم رسول اللہ صلی اللہ علیہ وسلمء مطابقء زورگ بہ بنت و آیانی سرا روگء فیصلہ و کوشش بیت ہمے یکیں چیز تقوی و خداترسیء بہا و بدل و نشانی انت۔
و صلی اللہ علی سیدنا محمد و آلہ و صحبہ وسلم
سرچمّگ: راستیں راہ
چمشانک