خلیجی ریاست بحرین میں حکومت کی طرف سے اسرائیل کو تسلیم کرنے کے اعلان اور صہیونی ریاست کےساتھ معاہدے کرنے کے خلاف عوامی سطح پر احتجاجی مظاہرے شرو ہوگئے ہیں۔ کل جمعہ اور آج ہفتے کے روز بھی منامہ میں حکومت کے اسرائیل کے ساتھ تعلقات کے قیام کے خلاف مظاہرے ہوئے۔ مظاہرین نے حکومت کے خلاف مردہ باد کے نعرے لگائے۔
آج ہفتے کے روز منامہ میں ایک مظاہرہ کیاگیا جس میں مظاہرین نے اسرائیل کے ساتھ دوستانہ تعلقات کےقیام کی شدید مذمت کی۔
ادھر سماجی کارکنوں نے منامہ میں اسرائیل ۔ عرب دوستی کے خلاف ہونے والے مظاہروں کی تفصیلات اور ان کی تصاویر بھی پوسٹ کی ہیں۔
سماجی کارکنوں نے بتایا کہ اسرائیل مخالف ریلی دارالحکومت مناما میں ابو صبیح کے مقام سے شروع ہوئی جس میں ہزاروں کی تعداد میں شہریوں نے حصہ لیا۔ مظاہرین میں مردوں کے ساتھ خواتین کی بھی بڑی تعداد موجود تھی۔
مظاہرین کی جانب سے اسرائیل اور عرب ممالک کے درمیان تعلقات کے قیام کے خلاف شدید نعرے بازی کی گئی۔ مظاہرین نے بینرز اور کتبے اٹھا رکھے تھے جن پر ‘جمعہ غضب القدس’ کے نعرے درج تھے۔
مظاہرین نے اسرائیل کے ساتھ تعلقات کےقیام کو حکومت کی خیانت اور دھوکہ دہی قرار دیا اور بحرینی حکومت کے خلاف مردہ باد کے نعرے لگائے۔
خیال رہے کہ گذشتہ منگل کو امارات اور بحرین نے اسرائیل کے ساتھ تعلقات کے قیام کےاعلان کےحوالے سے امریکا میں امن معاہدوں پر دستخط کئے تھے۔ فلسطینی قوتوں نے عرب ممالک کے اسرائیل کے ساتھ تعلقات کےقیام کو قضیہ فلسطین کے ساتھ خیانت قرار دیا ہے۔
مولوی عبدالحکیم شہ بخش، دارالعلوم زاہدان کے استاد اور "سنی آن لائن" ویب سائٹ کے…
دارالعلوم زاہدان کے اساتذہ نے زاہدان میں دو دینی مدارس پر سکیورٹی اور فوجی دستوں…
سنیآنلاین| سیکورٹی فورسز نے آج پیر کی صبح (11 دسمبر 2023ء) زاہدان میں دو سنی…
شیخ الاسلام مولانا عبدالحمید نے اقوام متحدہ کی سلامتی کونسل میں امریکہ کی طرف سے…
شیخ الاسلام مولانا عبدالحمید نے آج (8 دسمبر 2023ء) کو زاہدان میں نماز جمعہ کی…
شیخ الاسلام مولانا عبدالحمید نے ایک دسمبر 2023ء کو زاہدان میں نماز جمعہ کی تقریب…