Categories: عالم اسلام

مسجد حرام میں سائبر سیکیورٹی کنٹرول سسٹم پرغور

حرمین شریفین کے نگراں ادارے نے مسجد حرام میں روز مرہ کی بنیاد پر سیکیورٹی چیکنگ کے لیے سائبر سیکیورٹی کنٹرول سسٹم نصب کرنے پر غور شروع کیا ہے۔ یہ سسٹم مسجد حرام کے تمام داخلی اور خارجی راستوں پر نصب کیا جائے گا تاکہ زائرین کی آمد ورفت کو آسان بنانے کے ساتھ رش کو کم سے کم کیا جا سکے اور عملے کو اپنے فرائض کی انجام دہی میں بھی سہولت رہے۔
العربیہ ڈاٹ نیٹ کے مطابق مسجد حرام میں سائبر سیکیورٹی کنٹرول سسٹم چھ اہم زاویوں سے کام کرے گا۔
حرمین شریفین کے مشاورتی بورڈ کے چیئرمین محمد العساف نے بتایا کہ مسجدحرام میں سائبر سیکیورٹی چیکنگ سسٹم لگائے جانے سے قواعدو ضوابط کی خلاف ورزیوں میں نمایاں کمی آئے گی۔ انہوں نے کہا کہ موجودہ حالات اس بات کے متقاضی ہیں کہ مسجد حرام میں آنے والے نمازیوں بالخصوص حج اور عمرہ کے ایام میں حجاج ومعتمرین کی خدمت اور ملازمین کی سہولت کے لیے جدید سائنسی طریقہ کار اپنایا جائے۔
مسجد حرام میں سائبر سیکیورٹی کنٹرول سسٹم کے چھ اہم پہلوؤں پر بات کرتے ہوئے محمد العساف کا کہنا تھا کہ سائبر سیکیورٹی چیکنگ سے ہاتھ سے مرد و خواتین کی تلاشی کی ضرورت نہیں رہے گی۔ اس نظام سے مسجد حرام کے دوسرے انسانی ذرائع بھی استفادہ کر سکیں گے۔ ایک ہی وقت میں زیادہ سے زیادہ لوگوں کے گذرنے کی سہولت ملے گی۔ رش کے دنوں میں ایک جگہ بھیڑ ختم کرنے اور زائرین کے بروقت اپنے مخصوص مقامات تک پہنچنے میں مدد ملے گی۔ مسجد حرام میں قواعد وضوابط کی پابندی میں مدد ملنے کے ساتھ خلاف ورزیوں کی نشاندہی کے دوران عملے کو کم سے کم مشکلات کا سامنا کرنا پڑے گا۔

العربیہ ڈاٹ نیٹ

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago