Categories: عالم اسلام

یمن کے وزیر اعظم کے زیر استعمال ہوٹل پر حملہ، متعدد افراد ہلاک اور زخمی

یمن کے وزیر اعظم خالد بحاح کے زیر استعمال ہوٹل پر راکٹ حملے میں متعدد افراد ہلاک اور زخمی ہوگئے ہیں۔
غیر ملکی خبر ایجنسی کے مطابق یمن کے شہر عدن میں واقع ہوٹل ’’القصر‘‘ پر یکے بعد دیگرے 3 راکٹ داغے گئے جس کے نتیجے میں ہوٹل میں آگ لگ گئی۔ اسی ہوٹل میں وزیر اعظم سمیت کئی دیگر اعلیٰ حکومتی اہلکار رہائش پذیر تھے جب کہ متحدہ عرب امارات کا فوجی ہیڈ کوارٹر اور اعلٰی افسران کی رہائش گاہ بھی اسی ہوٹل میں ہے۔
راکٹ حملے کے نتیجے میں متعدد افراد ہلاک اور زخمی ہوئے ہیں تاہم سرکاری طور پر ہلاکتوں کی تصدیق نہیں کی گئی۔
یمن کے وزیر نوجوانان و کھیل نافع البکری کا کہنا ہے کہ ہوٹل سے وزیراعظم خالد بحاح خیریت سے ہیں اور انہیں ہوٹل سے نکال کر محفوظ مقام پر پہنچا دیا گیا ہے۔
واضح رہے کہ سرکاری فوج نے جولائی میں حوثی باغیوں سے عدن کا کنٹرول دوبارہ واپس لیا تھا جس کے بعد سے یمنی حکومت نے اس شہر کو جزوقتی دارالحکومت قرار دے رکھا ہے۔

ایکسپریس نیوز

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago