القاعدہ تعلق کا شبہ: بھارت نے 100 تنظیموں کو دہشت گرد قرار دیدیا

نئی دہلی (اے ایف پی) بھارتی حکومت نے القاعدہ سے تعلق کے شبے میں سو تنظیموں پر پابندی عائد کرتے ہوئے انہیں دہشت گرد قرار دیدیا۔

ان تنظیموں پر پابندی کے لئے بھارت نے اقوام متحدہ کی قرارداد کا سہارا لیا۔ سو تنظیموں کے علاوہ 33 دیگر تنظیموں کو بھی دہشت گرد قرار دیا گیا۔ بین الاقوامی تنظیموں میں انڈونیشیا کی جامعہ اسلامیہ‘ اسلامک جہاد گروپ لیبیا‘ مراکش اسلامک گروپ‘ مصر کی اسلامی جہاد‘ انٹر نیشنل اسلامک ریلیف فلپائن اور اسلامک موومنٹ ازبکستان شامل ہیں۔ علاقائی تنظیموں میں لشکر طیبہ‘ جمعیت المجاہدین‘ حرکت الانصار‘ حرکت الجہاد اسلامی‘ الفرقان‘ العمر مجاہدین‘ جیش محمد‘ البدر‘ حزب المجاہدین اور جموں کشمیر اسلامک فرنٹ شامل ہیں۔ مقامی دہشت گرد تنظیموں کی فہرست میں خالصتان زندہ باد فورس‘ ببر خالصہ انٹر نیشنل‘ خالصتان کمانڈو فورس اور انٹر نیشنل سکہ یوتھ فیڈریشن شامل ہیں۔ ماو علیحدگی پسندوں کی ماوسٹ کمیونسٹ سینٹر اور سی پی آئی ماوسٹ کو بھی دہشت گرد قرار دیا گیا ہے۔ دہشت گرد قرار دی گئی تمام تنظیمیں اسلامی یا علیحدگی پسند ہیں جبکہ گذشتہ روز بھارتی ٹی وی نے انکشاف کیا تھا کہ حیدر آباد دکن اور اجمیر شریف بم دھماکوں میں انتہا پسند ہندو تنظیمیں ملوث ہیں۔ اس کے علاوہ گجرات قتل عام اور بابری مسجد کی شہادت میں بھی انتہا پسند ہندو سرفہرست تھے۔ صرف اسلامی یا علیحدگی پسند تنظیموں کو دہشت گرد قرار دینا بھارتی تعصب اور امتیازی سوچ کو نمایاں کرتا ہے بالخصوص بھارتی مظالم کا شکار کشمیری‘ ماو اور سکھ علیحدگی کی تحریکوں کو پابندی کی آڑ میں نشانہ بنانے کی کوشش کی گئی۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago