فرانس : برقعہ پر پابندی کا بل پارلیمنٹ میں پیش کرنے کا فیصلہ

پیرس (اے ایف پی) فرانس کے صدر نکولس سرکوزی نے ملک میں عوامی مقامات پر برقعہ اور نقاب استعمال کرنے پر پابندی کا بل پارلیمنٹ میں پیش کرنے کا فیصلہ کر لیا ہے۔

فرانسیسی صدارتی ترجمان کے مطابق صدر نکولس سرکوزی کا کہنا ہے کہ نقاب سے چہرہ ڈھانپنا عورت کی آزادی کو دبانے کے مترادف ہے۔ فرانس میں نقاب استعمال کرنے کا خیرمقدم نہیں کیا جائے گا۔ اس پابندی پر عمل درآمد کرانے کے لئے صدر نکولس سرکوزی نے ملک میں تمام عوامی مقامات پر خواتین کے نقاب اور برقع پر پابندی کا بل پیش کرنے کا فیصلہ کیا ہے۔