بلوچستان ءِ تیابدپی شھر گوادر برجاھیں نندانک پانزدہ روچ ءِ واستا ھلاس

بلوچستان ءِ تیابدپی شھر گوادر ءَ وتی ھکانی لوٹگ ءَ بلوچستان ھک دو تحریک ءِ زھرشانی نندانک چارُمی روچ ءَ پانزدہ روچ ءِ واستا ھلاس کنگ بیتگ.

گوادر پورٹ گیٹ ءِ دیم ءَ برجاھی ءِ سبب ءَ سیکورٹی ادارھاں ترندیں جیڑھانی دیمپانی بیتگ اَنت چریشی ءِ سبب ءَ گوستگیں روچ ءَ میرین سیکورٹی فورسز ءَ زھرشانی ھواریں زالبولانی سر ءَ لَٹ ءُ کُٹ بیتگ اَنت.

سر بیتگیں اھوالانی رد ءَ بلوچستان ءِ مزن واکداراں حق دو تحریک ءِ سرجمی ءَ لوٹانی منّگ ءُ سدکی ءَ پد مولانا ھدایت الرھمان بلوچ ءَ پورٹ ءِ دیم ءَ نندانک پانزدہ روچ ءِ واستا ھلاس کتگ نندانک ءَ مزن واکداراں گپ ءُ تران ءَ پد لھتے لوٹانی منّگ ءَ پد پانزدہ روچ ءِ تأ ءُ لھتے لوٹانی سرجمی کنگ ءَ سدکی کنگ بیتگ اَنت ءُ چریشی ءَ پد نندانک ھلاس کنگ بیتگ زھرشانی کنوکاں گوشتگ کہ سرجم نہ بوگ ءَ دوبر پورٹ ءِ دیم ءَ زھرشانی کنگ بیت اِنت.

زانگ بہ بیت گوادر ءَ ھق دو تحریک ءُ دمگی ماھیگرانی زھرشانی بلوچ زر ءَ گیر کانونی ٹرالرنگ ءِ دارگ ءَ بیتگ.

دمگی انتزامیہ ءُ سرکار ءِ رد ءَ گوادر ءَ گیر کانونی ٹرالرنگ ءِ دارگ ءَ سیکورٹی ادارہ پرکار اَنت بلے دردیا ورد اے گپ ءَ رد کنگ ءَ اَنت.

سرچمگ: دی بلوچستان پست