ما عیدِ باروا آ چیزے که اسلامِ شرعا تعیین کتگ عمل کتگ

واجه مولانا عبدالحمیدا زاهدانِ عیدِ نمازِ دیوانا په اِشی که چارشنبهِ روچ گونڈیں عید کنگ بوتگ گوشتی: ما رمضان په هما شاهدانے که واجه مولانا عبدالرحمان چهباریِ گورا که چه علمی و الله ترسیا مارا قبول انت شاهدی داتگت و واجها آیانی شاهدی قبول کتگت بنگیج کُت. رمضانِ بندات بیگِ شرایط باز سکّ نهنت چیا که دروغِ بندگ آئیِ بابتا باز کمِّنت. دوشنبهِ بیگاها که رمضانِ سِی‌اُم ات بازیں کوشستے په نوکِ گندگا کنگ؛ بلے دو چیز بایدانت دلگوش کنگ ببیت. اول اش انت که بیست و هشتمِ سُهبا ماه گندگ بوتگ که عُرف گوشیت ماه ماں سِی اُمِ شپا گِندَگ نبیت. دوم اش انت که گوں عِلمی محاسباتا هم گوشگ بوتگ که ماه رند چه یک و یا دو دَمانے نِندیت که گِندگِ قابل نهنت. ماں اے حالتا مئے وظیفه اش انت که بایدانت گوں شرعی وظیفه یا شَرّ پٹّ و پول بکنیں و رُنبے چه عالِماں داں شپِ ادار/ساعت سَیا اے بُنگپ ماں مکی مسیتا پٹ و پول کتگ.
زاهدانِ اهل‌سنتِ آدینگِ اماما گیشتر گوشت: اے چیز که گوشگ بوتگ فلان جاها ماه گِندگ بوتگ شایعه یے بوتگ و اے چیز تحقیق کنگ بوتگنت و گوں مردمانے که ماهِ گِندگِ ادعا/لارتِش جتَگَت گوانک کنگ بوتگ. په درور گوشگ بوتگ که فلان جاها 8 نفرا نوک دیتگ بلے رند چه پَٹ و پولا په یک کسے سر بوتگیں که ماهِ گندگِ مدعی بوتگ و کسانے که نوکِ گندگِ مدعی بوتگنت کم بوتگنت. گواه شرعِ نصابا نبوتگنت و چند کسے گواهی جدا جدا قبول کنگ نبیت. اے مساله شرعی یے نبیت گوں ماهواره و یا دگه کشورانی عید بیگا ادا هم عید جار جنگ ببیت.
واجها گوشت: عید تخصصی بنگپے انت. وهدے مارا حق نیست که ماں پزشکی و مهندسی تخصصا دخالت بکنیں! چیا لهتے ماں عالِمانی تخصصا دخالت کننت و عالمان تهمت جننت که واجه خمینی وفات بیگِ سالروچا عیدا چیراِش ترّینتگ ماں حالے که مارا چه دینِ سوبا په سالگَردا اعتقادے نیست! مئے شیعه ئیں براتان چُشیں باورے هستنت البت مارا اے اعتقاد نیستِنت.
واجه مولانا عبدالحمیدا اے گپ که حکومتا ماں عیدِ اعلاما دست مانجنی کتگ رد کُت و گوشتی: حکومتی نهاداں هم چه ما نلوٹِتَگ که هیالداری بکنین و سَے شنبهِ روچا عید مکنیں. استاندار، آدینگِ پیش امام و هیچ نهادے چه ما چشیں چیزِ لوٹوک نبوتگ و آچیزے که اسلاما مشخص کتگت ما آ کار کتگ و آئیِ سرا عملیں کتگ. رمضان مدام همیشه 29 یا 30 روچ و نهنت و اے خداوند و رحمت للعالمینِ گپ انت.
زاهدانِ آدینگِ پیش اماما گوشت: بدیں گُمان گناه انت و په عالِماں بدیں گُماں مکنِت و عالماں په مشورت و گوں تخصصی دیدا عیدِ بابتا نظر داتگ. هر کسے سَے شنبهِ روچا روچگ بوتگ آئیا مبارک ببات و آ که روچگ نبوتگنت بایدانت آ روچِ بَدَلا روچگ بِبَنت.