سوختکشیں دوستاں ذمه وارانی پریشانیا راهانی تاوان دیگ ءِ بابتا سرپد ببنت و راهنما و رانندگی ءِ قانون ءِ هیالداریا بکننت/ محترمیں ذمه واراں گوں سوخت کشوکاں مدارا بکننت

واجه شیخ‌الاسلام مولانا عبدالحمیدا ماں لهتے چه وتی بیاناں ماں زاهدان ءِ اهلسنت ءِ جمعه ءِ نمازا (27 اردیبهشتا و 1398ءِ سالا)، گوں سوخت کشیں رانندگانی سفارش کنگا په اشی که «غیر مجازیں سرعتا» و دیم گیری کنگا چه راهی تاوانان و «پلاکانی کرَّگا» دوری کنگ ببیت، چه ذمه واراں هم لوٹوک بوت که گوں دلگوش کنگ په مردمانی اقتصادی مشکلاتاں، گوں رانندگاں ماں راهاں «همکاری و مدارا” بکننت.
په سنی‌آنلاین هالا، واجه مولانا عبدالحمیدا ماں اے دیوانا که سرهنگ علی عارف‌نژاد، زاهدان ءِ انتظامی فرمانده حاضر ات، گوشت: نیروی انتظامی و آدگه نظامی واکان و مسئولاں مردمانی خیر ءِ لوٹوک و دلسوزانت. انتظامی واکانا پریشانی هستنت که آ بایدانت زانگ ببنت.
زاهدان ءِ اهلسنت ءِ آدینگ ءِ پیش اماما گوشت: اے مئے وظیفه انت که هم چه مردمانی و هم چه حاکمیت ءِ حقّا دفاع بکنیں و هر کجام یکے چه اشاں ردی بکنت چه دلسوزے بابتا آئیا تذکر بدیئیں.
واجها دیماترا گوں اشاره په گزارشے که چه زاهدان ءِ انتظامی فرماندها، راه و دَگانی تاوانے گیش بیگ ءِ بابتا پیش بوتگ، گوشتی: تصادفان و راهی تاواناں باز دردناک و پدردکنوکنت. منی واهگ چه درائیں ورنا و رانندگاں اش انت که راهنما و رانندگی ءِ قانون ءِ هیالداریا بکننت.
زاهدان ءِ اهلسنت ءِ آدینگ ءِ پیش اماما گوشت: بے گواهینامها رانندگی کنگ شرّیں کارے نهنت. لهتے گاڑی والا جادهانی تها وتی پلاکان کَرَّنت اے هم وشیں کارے نهِنت و ما آئیا توجیه کت نکنیں.
واجها گوشت: چند روچ دیمترا لهتے سوخت کشّوکیں دوستانا گوں من ماں مکّی ءِ مسیتّا دیوانے بوتگ که ماں آ دیوانا وتی پریشانی و مُشکلانِش درشاں کتگ؛ ماں اے دیوانا په پلاکانی کَرّگا لهتے دلیل اش بیان کتگ که من قانع نبوتگاں. اے بابتا منی سفارش اش انت که وتی پلاکاں مه کَرّانت و گوں غیر مجازیں سرعتا مرَوَنت.
واجه مولانا عبدالحمیدا دیماترا سیستان و بلوچستان ءِ بیکاری و اقتصاد ءِ بابتا اشاره کُت و گوشتی: اگرچه سوخت ءِ کشگ چه قانون ءِ بابتا قاچاق انت، البت گوں دلگوش په اشی که ماں استانا کار و روزگارے نیست انت و مردم بے کارانت مئے واهگ چه ذمه واراں اش انت که چشم‌پوشی بکننت و گوں مردماں مدارا بکننت، که البت ذمه واراں هم اے بابتا چشم‌پوشی کننت.
واجها گوشت: قاچاق و سوخت ءِ دَے و گِر مئے مردمانی مدامی کار و بار نهِنت، البت گوں کشور ءِ هنّیگیں تحریمان و اقتصادی مشکلاتاں، اے بابتا که مردم په وت روزگارے واهند ببنت و وتی پرزونگانی سرا چُنڈے نگن په وتی لوگمانا بیارانت سوخت ءِ قاچاق داں حدے معقول و توجیه دارانت. البت ما گوں مافیایی قاچاقانی بانداں موافق نهیں، بلے باوریں اش انت که گوں کسانے که چه لاچاریا و بے کاریا اے کارا کننت مدارا کنگ ببیت.
دارالعلوم زاهدان ءِ مسترا دیمترا گوشت: سوختکشیں واجهاں وتی کارا گلائیش ببنت، بلے راهنما و رانندگی و جاده یی رهبند ءِ هیالداریا بکننت و په مردم و ذمه واراں پریشانی پیداگ مکننت. جاده ءِ قانون ءِ هیالداری کنگ چه حقوق‌الناسا انت که درائیں مردمانا په وتی امنیت و آرامشا اے قانون ءِ وازمندانت.
واجه مولانا عبدالحمیدا همے وڑا ذمه واراں توار پِرجت و گوشت: مئے دزبندی چه انتظامی و راهنما و رانندگی واکاں اش انت که داں جاهے نرمی و چشم‌پوشے تاوان مبیت ماشینانی جرمانه و بند کنگ ءِ واستا آسانی بکننت و مردمانا قانون ءِ هیالداری کنگ ءِ بابتا سرپد بکننت.
ذمه واراں تجارت ءِ پڑا وتا گوں مردماں کوپگ ماں کوپگ/رقیب مزاننت؛ تجارت بخش خصوصیا دیگ ببیت
زاهدان ءِ اهلسنت ءِ آدینگ ءِ پیش اماما وتی گپانی بهرے تها ذمه وارانا چه اشی که«گوں مردماں وتا تجوری ءِ تها رقیب بکننت» مکن کُت و گوشتی: منی دلسوزین و تیکیں پند په نظامی و انتظامی و آ دگه ذمه واراں اش انت که کٹّ و کار ءِ تهاگوں مردماں جُپته مَدَیَنت و وتا مردمانی جُتک مزاننت، بلکیں کوشست کنگ ببیت که اے کاراں په بخش خصوصیا سپرد کنگ ببنت.
واجها گوشت: کامیابیں تجارت ءِ رمز ماں بازیں کشورانے اش انت که اے کاراں بخش خصوصیا سپرد کنگ بنت. اے کار سوب بنت که چاگردا بازیں شغلے پیداگ ببیت و مردمانی رضامندی و نیکیں دعا ذمه وارانی همراه بیت.

چه پِت و پیرکی زمینانی تصرف کنگا پهریز کنگ ببیت

واجه مولانا عبدالحمیدا اے بنگپا که زمیناں په لهتے نهاد و ارگانا خاص کنگ بنت گپ و تران کت و گوشتی: مئے دزبندی چه دوستاکیں نظامی و انتظامیا که اے درستاں مئے چمانی نورانت، اش انت که هما اندازگا وازمندانت زمین بزورانت و چه مردمانی پتی و پیرکی زمینانی تحویل گرگا، تُری که بے ثبت و سندانت دوری ببیت.
واجها گوشت: شهر ءِ و شهر ءِ دور و برءِ زمین منابع ملی انت که درائیں مردمانا ماں اے زمیناں بهر هست انت. هنوں که زاهدان ءِ مردم باز بوتگنت که جمعیت شهر مردماں بے کساس گوں لوگ و جاه ءِ کمّیّا دیم په دیم انت و گرانیں لوگانی باڑوا دات نکننت.
زاهدان ءِ آدینگ ءِ گشتانک دیوکا گوشت: ماں درائیں جهان ءِ نظام و حکومتانی تها په مردمانی لوگ و جاه ءِ دیگا خاصیں رهبندانے هست انت. مردمانی مسکن ءِ مشکل ءِ حل بیگ ءِ بابتا باید انت که ذمه واراں راهے شوهاز بکننت. اے بابتا مئے دلسوزیں سفارش په ذمه واراں اش انت که مردمانی دیما ایثار بکننت و په مردمانی مشکل ءِ حل بیگا همکوپگی و کمک بکننت.
واجه مولانا عبدالحمیدا وتی گپانی گڈی بهرا په مردمانی بے سِجِلے مشکلاں اشاره کت و گوشتی: مئے تاکید اش انت که مردمانی سجلے مشکل حل کنگ ببیت و آ که ایرانی انت په آیاں سجل دیگ ببیت. البت من گوں اشی که کسے ڈن چه ایرانا بیئیت و ایرانی سِجِل بگیرت مخالفاں ؛بلے په کسانے که ایرانی انت بایدانت که سجل دیگ ببیت.