کشت و کِشاریں چاهانی جواز ءِ دیگ ءِ محدودیت چِست کنگ ببیت

واجه شیخ‌الاسلام مولانا عبدالحمیدا ماں وتی لهتے بیاناں چه آدینگ ءِ نمازا ماں (فروردین ءِ ۳۰ اُمی روچا و  1398 ءِ سالا) ، گوں اشاره په اشی که گُڈّی هَورانی گوارگا ماں و کشور و استانا آپ باز انت، لوٹوک بوت: چاهانے که  په کِشت و کِشارا انت آیانی جواز ءِ دیگ ءِ محدودیت چه مربوطیں اداره و سازماناں چِست کنگ ببیت.

گوں سنی آنلاین ءِ هالرسانیا، واجه شیخ‌الاسلام مولانا عبدالحمیدا گوشت: الحمدلله گوں الله پاک ءِ مِنّتا انبری ماں مُلک و کشورا هما اندازه هَورا گورتگ که آپ ءِ کم بیگ ءِ مسئله که پیسریگیں سالاں مردم و ذمه واراں آئی ءِ پریشاں بوتگنت بیگواه بوتگ.

اگه ما کنجوسی و تنک چمّیّا یک کِرّ بکننت، بیت کنت که الله پاک اے رحمتاں مدامے بکنت و گوستگیں نگیگیاں پوره بکنت.

واجها گوشت: بازینے چه مردم و ذمه واراں پریشانت انت که داں چند سالا مُلک ءِ پهکیں کشت و کِشار خشک بنت، بلے الله پاکا وتی قدرت ما را پیش داشت و داں یک و دو ماها اپ ءِ کم بیگ ءِ مشکلی حل کُت.

البت نزیک 70 درصد چه هور ءِ آپا  ماں دشت و گیابان و دریایا  رتکگنت و بس 30 داں 40 درصد چه آپاں ماں زمینا ایر شتگنت و یا که ماں سدّاں منتگنت که همے اندازه آپ مئے نیازاں پوره کنت.

دارالعلوم زاهدان ءِ پاگواجها گوشت: بازینے نا امیتے آیتا ونت ک په سیستان ءِ سرجمیں خشک بیگا پریشانتنت، ماں حالے که الله پاکا هنچیں هَورے اے مُلکا یاورت که هچ کسا چشیں خیالے نکت.کَوراں آتکگنت و هیرمند ءِ کَور رهاپ انت و کجکی ءِ سد ماں اوگانستانا هم چه آپا سر ریچ انت. اے بابتا اگه په الله پاک ایمانیں ببیت و تنک چمّ مه بیں  الله پاک گیشتر وتی رحمتانا گوارینیت و مئے استان و کشورا خشک نکنت.

زاهدان ءِ اهل‌سنت ءِ آدینگ ءِ پیش امامادیماترا په دور کنگا پیسریگیں گرفت و گیریانے که کشاورزی چاهانی بابتا بیتگ تاکید کُت و گوشتی: منی واهگ چه وزارت نیرو و منطقه ءِ آپ ءِ سازمانا ماں کشورا و خاص ماں اے استانا اش انت که گرفت و گیریانے که په کشاورزی چاهانی جوازا هست آ گار کنگ ببنت و په بے جوازیں چاهاں قانونی جواز دیگ ببیت.

واجها دیمترا گوشت: بازینے چه مردماں که بیست یا سی سال انت گوں باغداری و کشاورزیا گلائیش بوتگنت و اے بابتا میلیارد میلیارداش خرج کتگ، اے نیمونا که زمین ءِ چیر ءِ آپ کم انت آیانی کِشار ءِ چاهانی واستا جواز دیگ نبوتگ، بلے هنوں نه تنها که آپ تامین کنگ بیتگ، بلکیں سداں سرریچ و کَوراں جان گِپتگ ذمه واراں بخیلی مکننت و لازمیں جوازاں مردماں بدینت داں الله تعالی وتی رحمتاں ماں ملکا گیش چه گیش بکنت انت.

واجه مولانا عبدالحمید همے پیما چه جهاد کشاورزیا لوٹوک بوت که په کِشت و کشار کنوکاں چه آئی ءِ «سند دیگ» ببیت و گوشتی: هنوگیں وهدا باید انت په کِشت و کِشارا دلگوش گوردیگ ببیت و جهاد کشاورزی په کِشار کنوکاں سند بدنت انت، چیا که هفتاد داں هشتاد درصد استان ءِ مردماں چه کشاورزی و مالداری ءِ راها زند گوازیننت.