مصری مسلمان نوجوان امریکی ریاست کے گورنر کا امیدوار!

مصری نژاد ایک مسلمان نوجوان ڈاکٹر اور سماجی کارکن عبدالرحمان محمد السید نے امریکی ریاستی مشی گن کے گورنر کے عہدے کے لیے انتخابات میں حصہ لینے کا اعلان کیا ہے۔ اگر وہ اپنے اس عزم میں کامیاب ہوجاتے ہیں تو وہ امریکا کی کسی ریاست کے پہلے مسلمان گورنر ہوں گے۔
’بزنس انسپائڈر‘ ویب پورٹل نے 32 سالہ مصری نژاد محمد السید کا ایک بیان نقل کیا ہے جس میں اس کا کہنا ہے کہ وہ مشی گن ریاست میں گورنر کے عہدے کا امیدوار ہے۔ ان کا کہنا ہے کہ ’میں نے خود کو گورنر کے عہدے کے لیے نامزد کیا ہے۔ مجھے یقین ہے کہ میں گورنر شپ کے لیے کسی مسلمان یا غیر مسلم گورنر سے زیادہ بہتر ثابت ہوں گا‘۔
ایک سوال کے جواب میں گورنر کے عہدے کے امیدوار نے کہا کہ میرے لیے دین پر میرا ایمان اور عقیدہ سب سے اہم ہیں۔ میں اس بات پر یقین رکھتا ہوں کہ کوئی شخص پوچھے کہ نماز کیسے ادا کی جاتی ہے ہم اسے جواب میں استفسار کریں کہ فلاں شخص نماز میں کیا پڑھ رہا ہے‘۔
محمد السید نے کہا کہ میری نزدیک اسلامی اقدار کی غیرمعمولی اہمیت ہے تاہم اگر میں امریکی ریاست کا گورنر منتخب ہوگیا تو شہریوں کی خدمت میری پہلی ذمہ داری ہوگی۔
محمد السید کے گورنر منتخب ہونے کے حوالے سے فی الحال کچھ نہیں کہا جاسکتا۔ اگر وہ اس مشن میں کامیاب ہوگئے تو وہ بل کلنٹن کے بعد سب سے کم عمر گورنر ہوں گے۔ بل کلنٹن سنہ 1978ء کو تیس سال کی عمرمیں گورنر منتخب ہوئے تھے۔
مصر نژاد نوجوان ڈاکٹر نے کہا کہ اس کی توجہ ہمیشہ تعمیرات، لوگوں کے لیے مواقع پیدا کرنے، زندگی میں درپیش راستوں سے رکاوٹیں دور کرنے اور اپنے اولاد اور آنے والی نسلوں کے لیے بہتر مواقع پیدا کرنے پر مرکوز رہی ہے۔
یاد رہے کہ امریکی ریاست مشی گن میں اسلام فوبیا کے مظاہر کسی بھی دوسری امریکی ریاست کی نسبت زیادہ دیکھنے کو ملے ہیں۔
ایک سوال کے جواب میں السید نے کہا کہ ایک مسلمان کی حیثیت سے امریکی ریاست کا گورنر منتخب ہونے کے بعد میں اسلام کی حقیقی اقدار کے اظہار کی مثبت انداز میں کوشش کروں گا۔ اسلام کی ایک اہم قدر مساوات ہے جس میں تمام انسانوں کو برابری کا درجہ حاصل ہے۔ پڑوسیوں کا احترام، دوستوں اور اہل خانہ سے حسن سلوک اسلام کی خوبصورت قدریں ہیں۔
خیال رہے کہ محمد السید ایک مصری پناہ گزین خاندان کے ہاں مشی گن کے علاقے گرٹیوٹ میں سنہ 1985ء میں پیدا ہوئے۔ انہوں نے مشن گن یونی روسٹی سے اعلیٰ نمبروں میں طب میں گریجویشن کی ڈگری حاصل کی،ایم بی بی ایس جامعہ کولمبیا سے کیا اور صحت عامہ کے مضمون میں آکسفورڈ یونیورسٹی سے 2009ء میں پی ایچ ڈی کی ڈگری حاصل کی۔

العربیہ ڈاٹ نیٹ