میانمار کی جمہوری رہنما آنگ سان سوچی بھی مسلمانوں کی دشمن نکلی

میانمار میں حزبِ مخالف کی رہنما آنگ سان سوچی نے ملک میں روہنگیا مسلمانوں کے خلاف ہونے والے نسلی فسادات کو نسل کشی قرار دینے کے امکان کو مسترد کر دیا ہے۔

برطانوی نشریاتی ادارے سے بات کرتے ہوئے انہوں نے کہا کہ تشدد کے ان واقعات میں بودھوں کو بھی نشانہ بنایا گیا ہے۔ ان کے بقول فسادات کے بعد دونوں جانب خوف کی فضا پائی جاتی ہے۔ پناہ گزینوں کے حقوق کے لیے کام کرنے والی تنظیموں کے اندازوں کے مطابق تشدد کے واقعات کی وجہ سے ایک لاکھ 40 ہزار افراد بے گھر ہوئے ہیں۔ جب آنگ سان سوچی پر یہ بات تسلیم کرنے کے لیے دباؤ ڈالا گیا کہ تشدد کی وجہ سے مسلمانوں کی بڑی تعداد متاثر ہوئی ہے توانہوں نے اس بات پر اصرار کیا کہ ‘بہت سے بودھوں کو بھی ملک چھوڑنا پڑا ہے۔ ‘نوبل انعام یافتہ آنگ سان سوچی پر ماضی میں بھی روہنگیا مسلمانوں کے حقوق کے لیے آواز نہ اٹھانے پر تنقید کی جاتی رہی ہے۔ گذشتہ سال برما کی مغربی ریاست رخائن میں ہونے والے نسلی فسادات میں 190 افراد ہلاک ہوئے اور تقریباً ایک لاکھ افراد کو نقل مکانی کرنا پڑی تھی۔ برما میں مسلمانوں اور بْدھوں کے درمیان کشیدگی برقرار ہے۔ رواں برس اپریل میں مذہبی فسادات کی نئی لہر پھوٹ پڑی تھی جب دارالحکومت رنگون کے قریبی قصبے آوکھان میں بدھ مت کے بلوائیوں نے مسلمانوں کی مساجد اور جائیدادوں پر حملے کیے تھے۔ ان واقعات کے بعد آنگ سان سوچی نے کہا تھا کہ بودھ اکثریت کے ملک برما میں مسلمانوں کو زیادہ سکیورٹی ملنی چاہیے۔ اس وقت سرکاری رپورٹ میں کہا گیا تھا کہ مسلمان روہنگیا  آبادی اور بدھ مت کے پیروکاروں کی آبادیوں کو ایک دوسرے سے الگ کرنے کا عمل جاری ہے۔ حکومت نے یہ بھی تسلیم کیا تھا کہ نسلی فسادات کے خاتمے کا یہ طویل المدتی حل نہیں ہے۔برما میں رہنے والے روہنگیا  مسلمانوں کو برما کی حکومت نے شہریوں کا درجہ بھی نہیں دیا ہے اور اقوامِ متحدہ کے مطابق روہنگیا  دنیا کی سب سے زیادہ ستائی جانے والی قوموں میں سے ایک ہیں۔

اردو ٹائمز

 

 

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago