مراکش میں 5 سالہ بچے کی افسوسناک حالات میں ہوئی موت نے پوری قوم کو صدمے میں ڈال دیا ہے۔
بین الاقوامی میڈیا کے مطابق اغران گاؤں میں ریان اورام نامی بچہ پانچ روز قبل ایک کنویں میں گرگیا تھا اور پانچ روز سے بچے کو نکالنے کیلئے امدادی کارروائیاں جاری تھیں لیکن تکنیکی رکاوٹوں کی بنا پر ٹیموں کو مشکلات درپیش تھیں اور اسی دوران بچے کی موت ہوگئی۔
ریان کی لاش کو جب 5 دن کے بعد کنویں سے نکالا گیا تو سینکڑوں لوگوں کا مجمع تھا جو اونچی آواز میں ریان کیلئے دعائیہ کلمات پڑھ رہے تھے جبکہ مراکش کے بادشاہ محمد نے بھی سرکاری میڈیا کے ذریعے ریان کے والدین سے تعزیت کی۔ دوسری جانب عوام کی بڑی تعداد نے بچے کو بچانے کیلئے جاری امدادی کارروائیوں کو بذریعہ ٹیلی ویژن قریب سے فالو کیا۔
ریان کے ایک عزیز کا کہنا تھا کہ ریان کی گمشدگی کا پتہ والدین کو اس وقت چلا جب انہیں کنویں سے آوازیں آئیں۔ انہوں نے فلیش لائٹ آن کرکے اندر جھانکا تو انہیں ریان دکھائی دیا جو کہہ رہا تھا مجھے یہاں سے نکالو۔
کنویں کی چوڑائی 45 سینٹی میٹر تھی جبکہ گہرائی 32 میٹر جس کی وجہ سے امدادی ٹیموں کا براہِ راست نیچے اترنا ناممکن تھا۔
اغران کا علاقہ پہاڑوں پر مشتمل ہے جہاں موسم سرما میں سخت سردی پڑتی ہے۔ امدادی ٹیمیں 5 سالہ بچے کو 32 میٹر زمین کی گہرائی میں زندہ رکھنے کیلئے کھانا، پانی اور بذریعہ ٹیوب آکسیجن فراہم کرتی رہیں لیکن بالآخر بچہ ٹھنڈ اور سخت حالات کی تاب نہ لاتے ہوئے جان کی بازی ہار گیا۔
مولوی عبدالحکیم شہ بخش، دارالعلوم زاہدان کے استاد اور "سنی آن لائن" ویب سائٹ کے…
دارالعلوم زاہدان کے اساتذہ نے زاہدان میں دو دینی مدارس پر سکیورٹی اور فوجی دستوں…
سنیآنلاین| سیکورٹی فورسز نے آج پیر کی صبح (11 دسمبر 2023ء) زاہدان میں دو سنی…
شیخ الاسلام مولانا عبدالحمید نے اقوام متحدہ کی سلامتی کونسل میں امریکہ کی طرف سے…
شیخ الاسلام مولانا عبدالحمید نے آج (8 دسمبر 2023ء) کو زاہدان میں نماز جمعہ کی…
شیخ الاسلام مولانا عبدالحمید نے ایک دسمبر 2023ء کو زاہدان میں نماز جمعہ کی تقریب…