زاہدان (سنی آن لائن) ایرانی اہل سنت کے سب سے بڑے دینی ادارہ جامعہ دارالعلوم زاہدان کے سینئر استاذ مولانا خدارحم لکزائی (براہوئی) آج اتوار (تئیس جنوری دوہزار بیس) کو انتقال کرگئے، انا للہ و انا الیہ راجعون۔
مولانا خدارحم کی طبیعت کل رات کو ناساز ہوئی تھی جنہیں اسپتال داخل کرایا گیا۔ ڈاکٹروں نے انہیں دل کا بیمار قرار دیا۔ پھر مولانا گھر منتقل ہوئے اور آج صبح آٹھ بجے کے بعد دل کا دورہ پڑنے سے اپنے خالق حقیقی سے جا ملے۔ ان کی عمر 69 برس تھی۔
مولانا خدارحم 1952ء کو سیستان کے گاؤں ’ورمال‘ میں پیدا ہوئے۔ دینی تعلیم کراچی کے مدارس جامعہ فاروقیہ اور جامعہ علوم اسلامیہ علامی بنوری ٹاؤن میں حاصل کرنے کے بعد اعلی تعلیم کے لیے سعودی دارالحکومت ریاض چلے گئے جہاں آپ نے جامعہ محمد بن سعود یونیورسٹی میں عربی ادب میں ماسٹر کیا۔
مولانا خدارحم نے تیس سال زاہدان کے ہائی سکولز میں عربی پڑھائی۔ اسی طرح تیس سال دارالعلوم زاہدان میں بطور استاذ خدمات سرانجام دیں۔ موصوف بائیس سال تک سہ ماہی رسالہ ندائے اسلام کے چیف ایڈیٹر بھی رہے۔
ان کی نماز جنازہ دارالعلوم زاہدان میں ادا کی گئی اور تدفین زاہدان کے قریب ’حرمک‘ نامی گاؤن کے قبرستان میں ہوئی۔
رسولِ اکرم ﷺ کا میلاد «نور و رحمت کا میلاد» اور «انسانیت پر اللہ تعالیٰ…
صوبے اور ملک میں انتہاپسندی سے کوئی نتیجہ حاصل نہیں ہوا اور نہ ہی ہوگا؛…
سنی بلوچ علما کے خلاف بڑھتے ہوئے سکیورٹی دباؤ اور تعاقب کے درمیان گزشتہ دنوں…
سیستان و بلوچستان کے ایک اعلیٰ عہدیدار کے اشتعال انگیز بیانات پر علما، قبائل اور…
زم زم کا پانی روئے زمین پر اللہ تعالیٰ کی عظیم الشان اور لا زوال…
غزہ میں درجنوں فلسطینی صحافیوں نے پیر کے روز الجزیرہ چینل سے وابستہ اپنے 6…