عالم اسلام

ٹرمپ کی اسامہ بن لادن کے بیٹے حمزہ کی موت کی تصدیق

امریکی صدر ڈونلڈ ٹرمپ نے اسامہ بن لادن کے بیٹے حمزہ بن لادن کی موت کی تصدیق کر دی۔
امریکی وزیرِ دفاع مارک ایسپر نے بھی گزشتہ ماہ حمزہ بن لادن کی موت کی تصدیق کی تھی، اب امریکی صدر کی جانب سے اسامہ کے بیٹے کی موت کی تصدیق کی گئی ہے۔
وائٹ ہاؤس سے جاری بیان میں صدر ٹرمپ کا کہنا تھا کہ حمزہ بن لادن پاک افغان سرحدی علاقے میں امریکی فورسز کے انسداد دہشت گردی آپریشن میں مارا گیا تھا۔
انہوں نے یہ بھی کہا کہ حمزہ بن لادن کی موت نہ صرف القاعدہ کی قیادت بلکہ تنظیم کی کارروائیوں کے لیے بھی بڑا نقصان ہے۔
امریکی میڈیا نے جولائی کے اواخر میں امریکی فورسز کے آپریشن کے دوران حمزہ بن لادن کے ہلاک ہونے کی خبر دی تھی۔
گزشتہ ماہ حمزہ بن لادن کی موت کے حوالے سے امریکی حکام کے 3 انٹیلی جنس اہلکاروں کی جانب سے کیے گئے دعوے میں حمزہ بن لادن کی موت کے حوالے سے کسی بھی قسم کی تفصیلات فراہم نہیں کی گئی تھیں اور نہ ہی یہ بتایا گیا تھا کہ اُن کی موت کب اور کہاں واقع ہوئی ہے۔
امریکی ٹی وی نے اس حوالے سے جو رپورٹ دی تھی اس میں یہ واضح نہیں تھا کہ امریکا نے حمزہ کی ہلاکت میں کوئی کردار ادا کیا تھا یا نہیں، تاہم اب امریکی صدر کی جانب سے یہ دعویٰ سامنے آگیا ہے کہ حمزہ بن لادن کی ہلاکت پاک افغان سرحدی علاقے میں امریکی فورسز کے انسداد دہشت گردی آپریشن میں ہوئی تھی۔
گزشتہ سال برطانوی اخبار نے انکشاف کیا تھا کہ حمزہ بن لادن نے 2001ء میں نائن الیون پر ہونے والے حملےکے ماسٹر مائنڈ محمد عطاء کی بیٹی سے شادی کر لی تھی۔

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago