اسرائیلی فوج نے غزہ کی پٹی میں بدھ کو علی الصباح توپ خانے سے گولہ باری کی ہے جس کے نتیجے میں ایک فلسطینی شہید اور دو زخمی ہوگئے ہیں۔
اسرائیلی فوج نے ایک بیان میں دعویٰ کیا ہے کہ یہ تینوں افراد فلسطینی اور اسرائیلی علاقے کے درمیان سرحد پر موجود تھے۔اسی علاقے میں حالیہ دنوں میں صہیونی فوج اور فلسطینیوں کے درمیان متعدد مرتبہ فائرنگ کا تبادلہ ہوچکا ہے۔
غزہ میں وزارتِ صحت کے ترجمان اشرف القدرہ نے ایک بیان میں بتایا ہے کہ قابض فوج نے غزہ کی پٹی کے جنوب میں واقع شہر رفح کے مشرق میں توپ خانے سے گولہ باری کی ہے جس سے اٹھارہ سالہ نوجوان یوسف ابو عذرا شہید اور دو فلسطینی زخمی ہوگئے ہیں۔
دوسری جانب اسرائیلی فوج کے ترجمان نے اے ایف پی سے گفتگو کرتے ہوئے یہ کہا ہے کہ فوجیوں نے ان تینوں افراد کو سکیورٹی باڑھ کے نزدیک پایا تھا اور پھر ان کی جانب فائر کھول دیا تھا۔ تاہم ترجمان نے واقعے کی مزید تفصیل نہیں بتائی ہے۔
واضح رہے کہ غزہ کی پٹی اور اسرائیل کے درمیانی علاقے میں حالیہ ہفتوں کے دوران فائرنگ کے متعدد واقعات پیش آچکے ہیں۔فلسطینی علاقے پر گذشتہ ایک عشرے سے حماس کی حکمرانی ہے مگر دوسرے مزاحمتی گروپ بھی اسرائیل کی جارحیت کے ردعمل میں چھوٹی موٹی کارروائیاں کرتے رہتے ہیں۔
مارچ کے اوائل میں اسرائیل فوج نے غزہ میں حماس کے دو اہداف پر فضائی حملے کیے تھے۔اس نے یہ بمباری سرحدی باڑھ پر تعینات فوجیوں کی جانب فائرنگ کے بعد کی تھی۔فروری میں بھی اسرائیلی لڑاکا طیاروں اور ٹینکوں نے جنوبی اسرائیل کی جانب راکٹ فائر کیے جانے کے ردعمل میں غزہ پر بمباری کی تھی اور حماس کے اہداف کو نشانہ بنایا تھا جس کے نتیجے میں چار افراد زخمی ہوگئے تھے۔
مولوی عبدالحکیم شہ بخش، دارالعلوم زاہدان کے استاد اور "سنی آن لائن" ویب سائٹ کے…
دارالعلوم زاہدان کے اساتذہ نے زاہدان میں دو دینی مدارس پر سکیورٹی اور فوجی دستوں…
سنیآنلاین| سیکورٹی فورسز نے آج پیر کی صبح (11 دسمبر 2023ء) زاہدان میں دو سنی…
شیخ الاسلام مولانا عبدالحمید نے اقوام متحدہ کی سلامتی کونسل میں امریکہ کی طرف سے…
شیخ الاسلام مولانا عبدالحمید نے آج (8 دسمبر 2023ء) کو زاہدان میں نماز جمعہ کی…
شیخ الاسلام مولانا عبدالحمید نے ایک دسمبر 2023ء کو زاہدان میں نماز جمعہ کی تقریب…