Categories: عالم اسلام

شام، روس نے دفاع میزائل نظام بھیجنے کی تصدیق کردی

ترک فوج نے کہا ہے کہ اس کا سرحد پار شامی سرزمین پر دہشت گرد تنظیم داعش کے ساتھ تصادم ہوا ہے، جس کے نتیجے میں ایک ترک فوجی ہلاک ہو گیا جبکہ 23 عسکریت پسند بھی مارے گئے۔ یہ جھڑپیں ایک ایسے وقت پر ہوئی ہیں جب ترکی نے اپنے سرحدی علاقے کو باغیوں سے پاک کرنے کی مہم تیز تر کر دی ہے۔
ترک فوج نے بتایا ہے کہ سرحدی گاؤں زیارہ کے قریب ہونے والی جھڑپوں میں 3 ترک فوجی زخمی بھی ہوئے ہیں۔ امریکی سربراہی میں اتحادی ممالک کی فضائیہ نے شام کے شمالی حصے میں داعش کے9 اہداف کو نشانہ بنایا جس کے نتیجے میں 5 عسکریت پسند ہلاک ہوگئے۔
دوسری طرف شامی فورسز نے دارالحکومت دمشق کے نواحی قصبہ ڈوما اور حلب میں باغیوں کے زیر قبضہ علاقوں پر شدید بمباری کی جس دوران متعدد عمارتیں ملبہ کا ڈھیر بن گئیں اور اس دوران بچوں سمیت متعدد افراد کے ہلاک اور زخمی ہونے کی اطلاعات ملی ہیں۔ شام کے دارالحکومت دمشق میں روسی سفارت خانے پر ہاون راکٹوں سے حملہ کیا گیا ہے تاہم اس حملے میں ہونے والے جانی اور مالی نقصان کی تفصیلات سامنے نہیں آسکی ہیں۔
دوسری طرف روس نے کہا ہے کہ اس نے 2 بحری جنگی جہازوں کو واپس بحیرہ روم بھیج دیا ہے، جہاں وہ روسی فورسز کے ساتھ شامل ہو جائیں گے۔ یہ پیش رفت شام کے حوالے سے روس اور امریکا کے درمیان کشیدگی کے موقع پر سامنے آئی ہے۔
روس کی وزارت دفاع کے ترجمان ایگور کوناشینکوونے تصدیق کی ہے کہ روس نے شام کی بندرگاہ طرطوس میں موجود اپنے بحری اڈے پر ایئر ڈیفنس میزائل نظام ایس 300 بھیجا ہے، انکا کہنا ہے کہ اس میزائل سسٹم کو بھیجنے کا مقصد اپنے بحری اڈے کے تحفظ کو یقینی بنانا ہے۔
ادھر امر یکا نے شام میںاپنی کوششوںکی ناکامی کے بعد بشار الاسد کی وفادار فورسز کے ٹھکانوں پر محدود اہداف پر حملوں پر غور شروع کردیا ہے۔
امریکی اخبار واشنگٹن پوسٹ کی رپورٹ کے مطابق امریکی انتظامیہ شام میںسرکاری فوج کے ٹھکانوں پر محدود اہداف پرحملوں کے لیے تیار ہے، اس خبر کے مطابق امریکی انتظامیہ شام میں سرجیکل اسٹرائیکس کارروائیوں پر غور کررہی ہے۔
ادھر جرمنی کے صدر مقام برلن میں ایک اہم اجلاس ہو رہا ہے جس میں پانچ ملکوں جرمنی، امریکا، فرانس، اٹلی اور برطانیہ کے رہ نما شرکت کریں گے۔
اجلاس میں شام کے بحران کے حل پر غور کیا جائے گا۔ اجلاس کے دوران شام میں قیام امن کے لیے فرانس کی سلامتی کونسل میں مجوزہ قرارداد پر بھی بات چیت کی جائے گی۔

ایکسپریس نیوز

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago