Categories: عالم اسلام

حلب: انقلابیوں کے زیر قبضہ حصے میں دو بڑے اسپتالوں پر بمباری

شام کے سب سے بڑے شہر حلب میں بدھ کو علی الصباح انقلابیوں کے زیر قبضہ حصے میں دو بڑے اسپتالوں پر فضائی حملے کیے گئے ہیں جس کے بعد ان دونوں اسپتالوں میں طبی خدمات کی فراہمی عارضی طور پر بند کردی گئی ہے۔
یہ دونوں اسپتال شامی امریکی میڈیکل سوسائٹی کے زیر انتظام چل رہے ہیں۔ اس تنظیم کے ایک عہدے دار اعظم سلہول نے بتایا ہے کہ ”فضائی حملہ مقامی وقت کے مطابق صبح چار بجے کیا گیا تھا اور ایک طیارے نے دونوں جگہوں پر براہ راست بمباری کی تھی”۔
انھوں نے بتایا ہے کہ اس وقت مشرقی حلب میں چھے اسپتال کام کررہے ہیں اور ایم 2 اور ایم 10 عارضی طور پر زخمیوں اور مریضوں کو خدمات مہیا کرنے کے قابل نہیں رہے ہیں۔
شامی اور روسی طیاروں نے گذشتہ چھے روز سے انقلابیوں کے زیر قبضے علاقوں پر بلا تعطل بمباری جاری رکھی ہوئی ہے جس کے نتیجے میں مہلوکین اور زخمیوں کی تعداد روز بروز بڑھتی جارہی ہے اور اسپتال زخمیوں سے بھر گئے ہیں جبکہ طبی ذرائع کا کہنا ہے کہ اسپتالوں میں ادویہ اور دوسرا سامان کم پڑتا جارہا ہے۔
ایک اسپتال کے انتہائی نگہداشت یونٹ میں کام کرنے والے ایک رکن عارف العارف نے منگل کے روز بتایا تھا کہ ”شہر کے اسپتال زخمیوں سے بھرے پڑے ہیں اور اب معاملات ہاتھ سے نکلنا شروع ہوگئے ہیں۔ ہم اسپتالوں میں کسی بھی چیز کو لانے کے قابل نہیں رہے ہیں۔ حتیٰ کہ آلات اور طبی عملہ بھی نہیں آسکتا۔ باہر کے علاقوں سے تعلق رکھنے والا طبی عملہ محاصرے کی وجہ سے شہر میں داخل نہیں ہوسکتا ہے”۔

العربیہ ڈاٹ نیٹ ،ایجنسیاں

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago