مسلم پرسنل لاء میں مرکزی حکومت کی دخل اندازی نئے فتنے کو جنم دینا ہے: دارالعلوم دیوبند

مرکزی حکومت اب تین طلاق کے مسئلہ کو لیکر کورٹ میں جانیکی تیاری کر رہی ہے۔

حکومت عورتوں کے حقوق کو بنیاد بنا کر کورٹ میں جائے گی اور اس کی مخالفت کرے گی۔
حکومت کے اس فیصلہ کا ایشیا کی عظیم اسلامی درسگاہ دار العلوم دیوبند نے سختی سے مخالفت کی ہے۔
دار العلوم دیوبند کے مہتمم مفتی ابو القاسم نعمانی بنارسی نے کہا ہے کہ یہ جمہوری ملک ہے اور یہاں پر ہر شخص کو مذہبی آزادی حاصل ہے ۔ ان حالات میں مسلم پرسنل لاء میں مرکزی حکومت کی دخل اندازی ایک نئے فتنے کو جنم دینا ہے۔
انھوں نے کہا کہ تین طلاق کے مسئلہ پر طویل عرصہ سے بحث چھڑی ہوئی ہے ۔ اس سلسلہ میں مسلم پرسنل لاء بورڈ نے ماضی میں سپریم کورٹ میں حلف نامہ پیش کرکے تین طلاق اور چار شادیوں پر اپنی دلائل مستحکم انداز میں پیش کر دی تھی۔
دارالعلوم دیوبند اور علما ء کے طبقہ نے بورڈ کی ان دلیلوں کی بھرپور حمایت کی تھی اب جبکہ مرکزی حکومت اس مسئلہ کو سپریم کورٹ میں لیکر جا رہی ہے اور وہ یہ دلیل پیش کررہی ہے کہ ملک میں ہر باشندہ کو ایک نظر سے دیکھا جانا چاہئے ، ایک نئے فتنے کو پھر سے پیدا کیا جا رہا ہے۔
دارالعلوم کے مہتمم نے کہا کہ اس ملک کا آئین سبھی مذاہب اور سبھی فرقوں کو اپنے مذہب کے مطابق زندگی گزارنے کا حق دیتا ہے ۔ ان حالات میں مسلم پرسنل لاء میں دخل اندازی غیر مناسب ہے۔
واضح ہو دارالعلوم دیوبند ہمیشہ سے مسلم پرسنل لاء بورڈ کے دلائل کی حمایت کرتا رہا ہے۔
مفتی ابو القاسم نعمانی نے کہا کہ بہتر یہ ہے کہ مرکزی حکومت مسلمانوں کی ترقی کے بارے میں سوچے اور اپنی فرقہ وارانہ ذہنیت کے اندر تبدیلی لائے اس کے اس عمل سے مسلمانوں میں بے چینی اور انتشار بڑھے گا۔

بصیرت آن لائن

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago