Categories: عالم اسلام

ہنگامی مطاف کو ہٹانے کا آپریشن مکمل!

مسجد حرام کی توسیع کے جاری منصوبے کے ضمن میں حجاج و معتمرین کرام کی سہولت کے لیے بنائے گئے عارضی مطاف کو ہٹانے کا آپریشن مکمل کر لیا گیا ہے جس کے بعد زائرین براہ راست خانہ کعبہ کے طواف اور دیدار کا شرف حاصل کر سکیں گے۔
العربیہ ڈاٹ نیٹ کے مطابق حرمین شریفین کے نگراں ادارے کے چیئرمین اور امام کعبہ الشیخ ڈاکٹر عبدالرحمان السدیس نے بتایا کہ 25 جمادی الآخر کو عارضی مطاف کی مسماری کا آپریشن شروع کیا گیا تھا جسے آٹھ مراحل میں مکمل کرد یا گیا ہے اور طواف کعبہ کے لیے استعمال ہونے والے چاروں پل گرا دیے گئے ہیں۔
انہوں نے کہا کہ خانہ کعبہ کے عارضی مطاف کے ہٹائے جانے کا فیصلہ براہ راست خادم الحرمین الشریفین شاہ سلمان بن عبدالعزیز، ولی عہد شہزادہ محمد بن نایف بن عبدالعزیز اور نایب ولی عہد شہزادہ محمد بن سلمان کی ہدایت پر کیا گیا جب کہ عارضی مطاف کی مسماری کے آپریشن کی براہ راست نگرانی مکہ مکرمہ کے گورنر اور خادم الحرمین الشریفین کے مشیر شہزادہ خالد الفیصل نے کی۔
الشیخ السدیس نے بتایا کہ عارضی مطاف کی مسماری آپریشن کے دوران 84 عارضی ستون، 416 کمرے اور مطاف پل مسمار کیے گئے۔ مسماری کی کارروائی اللہ کے فضل وکرم سے بہ خیریت انجام پائی اور اس دوران کسی قسم کا کوئی نقصان ہوا اور نہ ہی زائرین کے طواف میں کسی قسم کا خلل پیدا ہوا ہے۔ عارضی مطاف کی مسماری کا کام وقت مقررہ سے 20 دن پہلے ہی مکمل کر لیا گیا ہے۔
انہوں نے بتایا کہ عارضی مطاف کی مسماری کے بعد صحن مطاف میں فی گھنٹہ 19 ہزار زائرین کے بجائے 30 ہزار عازمین طواف کی سعادت حاصل کر سکیں گے جب کہ مطاف کی تمام منازل میں ایک گھنٹے کے دوران ایک لاکھ 7 ہزار زائرین کے طواف کی گنجائش ہو گی۔ جدید طرز تعمیر پربنے صحن مطاف سے خانہ کعبہ کی زیادہ بہتر اور واضح انداز میں زیارت کی جا سکے گی اور حجاج ومعتمرین کو طواف کے دوران کسی قسم کی مشکل کا سامنا بھی نہیں کرنا پڑے گا۔

العربیہ ڈاٹ نیٹ

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago