Categories: عالم اسلام

ترکی میں تین روزہ ’’نصرت اقصیٰ‘‘ کانفرنس جاری، اہم عالمی شخصیات کی شرکت

ترکی کے شہر استنبول میں ’’نصرت اقصیٰ‘‘ کے عنوان سے تین روزہ عالمی کانفرنس جاری ہے۔
کانفرنس میں ترکی، عرب ممالک اور دوسرے مسلمان ملکوں کی نامور مذہبی اور سیاسی شخصیات شرکت کررہی ہیں۔مرکزاطلاعات فلسطین کے مطابق استنبول میں کل جمعہ کے روز شروع ہونے والی عالمی نصرت اقصیٰ کانفرنس میں سیکڑوں سیاسی، مذہبی رہ نماؤں، مفکرین، دانشورں اور ذرائع ابلاغ کے نمائندوں نے شرکت کی۔
کانفرنس کے پہلے سیشن میں مقررین نے قبلہ اول کو لاحق خطرات پر روشنی ڈالی اور ترکی کی حکومت سے مطالبہ کیا کہ وہ قبلہ اول کے دفاع کے لیے اپنا کلیدی کردار ادا کرے۔
کانفرنس میں کئی فلسطینی تنظیموں کے مندوبین بھی شریک ہیں۔ ان میں اسلامی تحریک مزاحمت ’’حماس‘‘ کے سیاسی شعبے کے رکن محمد نزال، اسلامی جہاد کے رہ نما محمد الھندی، معروف فلسطینی تجزیہ نگار ڈاکٹر سامی العریان، مصری مبلغ ڈاکٹر وجدی غنیم، فلسطینی سپریم علماء کونسل کے بیرون ملک سیکرٹری جنرل ڈاکٹر نواف التکریتی، سعودی عرب کے ممتاز مذہبی رہ نما ڈاکٹر احمد بن راشد بن سعید اور مصنف ڈٓاکٹر محمد الحضیف نے شرکت کی۔
کانفرنس میں متحدہ امارات کی الامہ پارٹی کے سیکرٹری جنرل حسن احمد الدقی، کویتی رکن پارلیمنٹ عبداللہ عکاش، شامی تجزیہ نگار نبیل شبیب، انٹرنیشنل القدس فائونڈیشن کے ڈائریکٹر جنرل یاسی محمود، بحرین کے رکن پارلیمنٹ ناصر الفضالہ، لبنانی عالم دین الشیخ احمد العمری اور سعودی عرب کے مہنا الحبیل بھی شریک ہوئے۔کانفرنس کل اور پرسوں بھی جاری رہے گی جس میں مزید عالمی شخصیات شرکت کریں گی۔

مرکزاطلاعات فلسطین

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago