Categories: عالم اسلام

اسرائیلی طیاروں کی فضائی نگرانی میں 60 ہزارفلسطینیوں کی قبلہ اول میں نماز جمعہ

فلسطین میں کل جمعہ کے روز 60 ہزار فلسطینی شہریوں نے اسرائیلی فوج اور پولیس کی کھڑی کی گئی رکاوٹوں کو توڑ کرقبلہ اول میں نماز جمعہ ادا کی۔ اس موقع پر مسجد اقصیٰ کے باہر ایک احتجاجی جلوس بھی نکالا گیا جس میں اسرائیلی جیل میں بھوک ہڑتال کرنے والے فلسطینی صحافی محمد القیق کی رہائی اور صہیونی فوج کی تحویل میں رکھے گئے فلسطینی شہداء کے جسد خاکی کی لواحقین کوواپسی کا مطالبہ کیا گیا۔
مرکزاطلاعات فلسطین کے مطابق اسرائیلی فوج نے حسب معمول جمعہ کو علی الصباح ہی بیت المقدس کی ناکہ بندی کردی تھی تاکہ نماز جمعہ میں کم سے کم فلسطینی قبلہ اول میں پہنچ سکیں، تاہم صہیونی فوج کی رکاوٹوں کے باوجود مغربی کنارے اور غزہ کی پٹی سے بھی سیکڑوں فلسطینی نماز جمعہ کی ادائی کے لیےقبلہ اول میں پہنچنے میں کامیاب رہے۔
مقامی فلسطینی ذرائع نےبتایا کہ فلسطینی شہریوں کی مسجد اقصیٰ میں آمد کے بعد اسرائیل کےبغیر پائلٹ جاسوس طیارے فضا میں مسلسل محو پرواز نمازیوں کی جاسوسی کرتے رہے۔
اس موقع پر پرانے بیت المقدس میں اسرائیلی پولیس اور دیگر سیکیورٹی اداروں کے اہلکاروں کی بڑی تعداد تعینات کی گئی تھی۔
نماز جمعہ کی امامت قبلہ اول کے امام و خطیب الشیخ محمد النواھضہ نے کرائی۔ خطبہ جمعہ میں انہوں نے بیت المقدس کی آزادی کے لیے عرب وعجم کو متحد ہونے پر زور دیا۔ انہوں نے فلسطین کے تاریخی مقامات پر یہودی شرپسندوں کے حملوں کی شدید مذمت کی اور اسرائیلی پالیسیوں کو مذہبی اشعال انگیزی کاموجب قرار دیتے ہوئے بیت المقدس میں یہودیوں اور صہیونی حکومت کی کارروائیوں کی روک تھام کا مطالبہ کیا۔ الشیخ نواھضہ نے فلسطینیوں کی املاک پر یہودیوں کے قبضے کی شدید مذمت کی اور اسے عالمی قوانین اور آسمانی شرائع کے بھی منافی قرار دیا۔
نماز جمعہ کے بعد بیت المقدس کے سامنے ایک بڑا احتجاجی جلوس نکالا گیاجس میں مظاہرین نے ان شہداء کی تصاویر اٹھا رکھی تھیں جنہیں صہیونی فوج نے شہید کیے جانے کے بعد اپنی تحویل میں لے رکھا ہے۔ اس کے علاوہ مظاہرین نے دو ماہ سے بھوک ہڑتال کرنے والے صحافی محمد القیق کی فوری رہائی کا بھی مطالبہ کیا۔

مرکزاطلاعات فلسطین

baloch

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago