افغانستان کے شہر قندھار کے ہوائی اڈے پر شدید لڑائی میں کم از کم نو افراد ہلاک ہوگئے ہیں۔
تفصیلات کے مطابق جنوبی افغان شہر قندھار میں طالبان عسکریت پسندوں نے ہوائی اڈے پر دھاوا بول دیا۔ قندھار صوبے کے گورنر کے ترجمان نے بتایا کہ عسکریت پسند ہوائی اڈے کے مرکزی دروازے سے اندر داخل ہونے میں کامیاب ہوئے۔
سیکیورٹی فورسز اور حملہ آوروں کے درمیان لڑائی جاری ہے جبکہ علاقے سے شدید فائرنگ اور دھماکوں کی آوازیں آ رہی ہیں۔ وسیع و عریض علاقے پر پھیلا قندھار ایئر پورٹ سویلین اور عسکری حصوں میں تقسیم ہے اور ترجمان کے مطابق طالبان نے عسکری حصے پر دھاوا بولا، جہاں انہیں شدید مزاحمت کا سامنا ہے۔
قندھار کے عسکری ترجمان محمد محسن سلطانی نے بتایا کہ انہوں نے کمپلیکس کے اندر ایک سکول میں پوزیشن سنبھال لی ہے۔ سلطانی کے مطابق حملہ آوروں کی درست تعداد معلوم نہیں ہو سکی لیکن افغان سیکیورٹی فورسز مزاحمت کر رہی ہیں۔
اردو ٹائمز
"پابندیوں میں اضافہ"، "طویل جنگ" اور "پرانی پالیسیوں پر اصرار" ملک کو مزید بحرانوں کی…
لاہور ہائیکورٹ نے افغان میڈیکل طلبہ کو کالجز سے نکالنے کے خلاف درخواستوں پر تحریری…
مغرب میں انسانی حقوق کی جو تاریخ بیان کی جاتی ہے، اسکا آغاز عموماً میگنا…
مشرق وسطیٰ کے ممالک اپنا سیکیورٹی نظام بنائیں؛ چینی صدر بھی فلسطین کے حق میں…
مکہ دفاعی اتحاد خطے میں امن و استحکام کا ضامن ہے، ترک صدر اردوان