ترکی کے ساحل پر پناہ گزینوں کی ایک اور کشتی ڈوبنے سے 7 بچوں سمیت 18 افراد ہلاک ہوگئے۔
خانہ جنگی سے متاثرہ ممالک سے محفوظ مقامات پر لوگوں کی ہجرت کا سلسلہ اب بھی جاری ہے اور زیادہ تر پناہ گزین یورپی ممالک کا رخ کررہے ہیں اور اس نتیجے میں اب تک کئی افراد سمندر میں ڈوب چکے ہیں۔ غیر ملکی خبر رساں ادارے کے مطابق پناہ گزینوں کی ایک اور کشتی ترکی کے ساحل پر ڈوب گئی جس کے نتیجے میں 7 بچوں سمیت 18 افراد ہلاک ہوگئے۔ کوسٹ گارڈ کے مطابق کشتی کو حادثہ ترکی اور یونان کے درمیان واقع جزیرے میں پیش آیا جب کہ ڈوبنے والوں میں سے اب تک 14 افراد کی لاشیں نکالی جاچکی ہیں تاہم کشتی میں سوار کل افراد کی تعداد معلوم نہیں ہوسکی ہے۔
واضح رہے دوسری عالمی جنگ کے بعد یورپ کو غیر قانونی تارکینِ وطن کے سب سے بڑے بحران کا سامنا ہے جب کہ ہر ہفتے لیبیا اورشام سمیت دیگر ممالک کے ہزاروں افراد یورپی ساحلوں کا رخ کررہے ہیں اور انسانی اسمگلر ان کی مدد کررہے ہیں لیکن رواں برس اس کوشش میں ڈھائی ہزار سے زائد افراد ہلاک ہوچکے ہیں۔
ایکسپریس نیوز
مقامی افراد کی تقرری تمام قوموں اور مذاہب کا مشترکہ مطالبہ ہے
ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…
امیر تبلیغی جماعت حضرت مولانا نذرالرحمٰن انتقال کر گئے
قرآن و سیرت کی تدریس کے طریقۂ کار پر تربیتی ورکشاپ کا انعقاد
صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…
حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں