A man checks the wreckage of a car at the site of a car bomb attack in Yemen's catpital Sanaa June 17, 2015. Four car bombs hit three mosques and the political headquarters of the Houthi movement in the Yemeni capital Sanaa on Wednesday, a security official said, killing and wounding dozens of people. REUTERS/Khaled Abdullah
یمن کے دوسرے بڑے شہر عدن میں صدر عبد ربہ منصور ہادی کی وفادار فورسز کے خلاف لڑائی کے دوران حوثی شیعہ باغیوں نے ایک رہائشی علاقے پر راکٹ باری کی ہے جس کے نتیجے میں بیس شہری ہلاک اور چالیس سے زیادہ زخمی ہوگئے ہیں۔
یمنی صدر کی وفادار فورسز کے ترجمان علی الاحمدی نے ایک بیان میں بتایا ہے کہ ایران کی حمایت یافتہ حوثی ملیشیا اور ان کے اتحادیوں نے عدن کے علاقے منصورہ پر علی الصباح سحری کے اوقات میں پندرہ کاتیوشا راکٹ فائر کیے ہیں۔
اس ترجمان اور عینی شاہدین نے بتایا ہے کہ حوثی ملیشیا نے عدن کے علاقے دارسعد سے منصورہ کی جانب دن کے وقت دوبارہ راکٹ فائر کیے ہیں۔اس وقت لوگ پہلے راکٹ حملے میں مرنے والوں کی تدفین میں مصروف تھے۔طبی ذرائع کے مطابق زخمیوں میں بعض کی حالت تشویش ناک ہے۔
ایران کے حمایت یافتہ حوثیوں نے گذشتہ سال ستمبر میں دارالحکومت صنعا پر قبضے کے بعد ملک کے منتخب صدر عبد ربہ منصور ہادی کی حکومت کو چلتا کیا تھا اور جنوبی شہر عدن کی جانب چڑھائی کردی تھی۔ان کے ایک منتخب حکومت کے خلاف جارحانہ اقدامات کے بعد سعودی عرب کی قیادت میں اتحاد صدر منصور ہادی کی درخواست پر یمن میں حوثیوں اور ان کے اتحادیوں کے خلاف 26 مارچ سے فضائی حملے کررہا ہے اور عدن میں بھی تب سے حوثیوں اور یمنی صدر کی وفادار فورسز کے درمیان لڑائی جاری ہے۔
العربیہ ڈاٹ نیٹ
"مذاکرات اور بات چیت" ملک کو بچانے کا بہترین طریقہ ہے
غزہ میں جنگ بندی کے باوجود اسرائیلی حملوں کا سلسلہ جاری ہے۔
شیخ الاسلام مولانا عبدالحمید نے زاہدان میں نماز جمعہ تین جولائی 2026ء کے خطبے کے…
دنیا کا ہر حساس فرد غزہ پر اسرائیلی جارحیت پر مضطرب ہے، نصف صدی قبل…
معروف عالم مولانا سید سلمان حسینی ندوی کا انتقال، علمی دنیا سوگوار