Categories: مشرق وسطی

حمص: کھنڈر میں تبدیل مزارِ خالد بن ولید کے دلخراش مناظر

شام میں صدر بشارالاسد کے خلاف بغاوت کے مرکزی شہر حمص میں سرکاری فوج اور اس کی حامی ملیشیا نے شہر کی اینٹ سے اینٹ تو بجا دی لیکن ان کی خوئے انتقام صرف باغیوں کے قتل عام اور نہتے شہریوں کو ڈیڑھ سال تک محصور رکھنے تک محدود نہ رہی بلکہ شہر کے مقدس مقامات حتیٰ کہ جلیل القدر صحابی رسول حضرت خالد بن ولید رضی اللہ عنہ کے مزار اور اس سے متصل تاریخی جامع مسجد کو بھی ملبے کا ڈھیر بنا دیا گیا۔

العربیہ ڈاٹ نیٹ کے مطابق حمص سے ایک معاہدے کے تحت باغیوں اور ان کے حامی عوام کے انخلاء کے بعد سماجی کارکنوں نے انٹرنیٹ پر ویڈیو پوسٹ کی ہیں، جس میں شہر کی تباہی اور بربادی کے مناظر دکھائے گئے ہیں۔ ان میں حضرت خالد بن ولید کا مزار اور اس سے متصل جامع مسجد عمار بن یاسر کی تباہی کے مناظر بھی شامل ہیں۔
گذشتہ برس دو مرتبہ حضرت خالد بن ولید کے مزار پر اسدی فوج نے بمباری کی اور میزائلوں سے حملے کیے جس کے نتیجے میں مزار کو بُری طرح نقصان پہنچا تھا، لیکن حال ہی میں باغیوں کے انخلاء کے بعد اسدی گماشتوں نے مزار اور جامع مسجد کی بچی کچھی عمارتوں کو بھی تباہ کر دیا۔ صرف یہی نہیں بلکہ اسدی فوج اور ان کے حامیوں نے مزار شریف میں گھس کر اس میں موجود دینی اور تاریخی کتابوں کو نذر آتش کیا، مزار کی اندرونی اور بیرونی دیواروں پر اشتعال انگیز چاکنگ کی گئی اور فرقہ وارانہ نوعیت کے نعرے تحریر کیے گئے ہیں۔
گذشتہ برس جولائی میں حزب اللہ اور بشار الاسد کی حمایت میں لڑنے والے کرائے کے قاتلوں نے خالد بن ولید رضی اللہ عنہ کے مزار کو تباہ کرنے کی دھمکی دی۔ اس دھمکی پر سماجی رابطے کی ویب سائیٹس پر اہالیان حمص کی جانب سے شدید رد عمل ظاہر کیا گیا۔
اہالیاں حمص کے دلوں میں حضرت خالد بن ولید سے محبت کوٹ کوٹ کر بھری ہوئی ہے۔ وہ اس مقدس مقام کی حفاظت کو اپنی زندگی سے زیادہ عزیز رکھتے ہیں۔ اس سے والہانہ محبت پر فخر کرتے ہیں۔ یہ اہالیان حمص کی صحابی رسول کے ساتھ محبت ہے کہ انہوں نے شہر [حمص] کا نام بھی صحابی رسول کی نسبت سے “مدینۃ الولید” قرار دے رکھا ہے۔
باغیوں کے انخلاء کے بعد سامنے آنے والی ویڈیو پوسٹس کے ذریعے حمص کے باشندوں کی بھوک، غربت ،تکالیف کے ساتھ حضرت خالد بن ولید کے مزار کی شہادت کا دکھ بھی دیکھنے کو ملا ہے۔ شہری پرسان حال ہیں لیکن وہ جلد از جلد دوبارہ شہر میں واپس جانا چاہتے ہیں۔ اس لیے نہیں کہ حمص ان کا شہر ہے بلکہ اس لیے بھی یہ شہر “اللہ کی تلوار” حضرت خالد بن ولید کی آخری آرام گاہ ہے۔ صحابی رسول سے محبت وعقیدت انہیں پھر سے حمص واپس لوٹنے پر مجبور کر رہی ہے۔

العربیہ ڈاٹ نیٹ

 

 

 

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago