ملائیشیا کے الیکشن کمیشن نے باضابطہ طور پر انتخابات میںحکمران اتحاد کی فتح کا اعلان کردیا ہے تاہم اپوزیشن لیڈر انور ابراہیم نے انتخابی نتائج تسلیم کرنے سے انکار کیا ہے۔
الیکشن کمیشن کے مطابق وزیراعظم نجیب رزاق کی سربراہی میں حکومتی اتحاد “نیشنل فرنٹ” نے پارلیمنٹ کی کل 222 میں سے 133 نشستیں حاصل کی ہیں۔
الیکشن کمیشن کا کہنا ہے کہ ملک بھر کے 13 ملین رجسٹرڈ ووٹروں میں سے 80 فیصد نے اپنا حقِ رائے دہی استعمال کیا۔
سابق نائب وزیراعظم اور اپوزیشن لیڈر انور ابراہیم نے انتخابی نتائج ماننے سے انکار کرتے ہوئے نیشنل فرنٹ پر الزام عائد کیا ہے کہ اس نے انتخابات سے قبل اور اس کے دوران دھاندلی کی۔
خیال رہے کہ 1957ء میں ملائشیا کی آزادی کے بعد سے اب تک حزب اختلاف برسراقتدار آنے میں کامیاب نہیں ہوسکی،اس بار اپوزیشن کے اقتدار میں آنے کے امکانات ظاہر کیے جارہے تھے تاہم سیاسی پنڈتوں کے تمام اندازے غلط ثابت ہوئے اور حکمران اتحاد نے ایک بار پھر واضح برتری حاصل کرلی۔
خبررساں ادارے
مقامی افراد کی تقرری تمام قوموں اور مذاہب کا مشترکہ مطالبہ ہے
ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…
امیر تبلیغی جماعت حضرت مولانا نذرالرحمٰن انتقال کر گئے
قرآن و سیرت کی تدریس کے طریقۂ کار پر تربیتی ورکشاپ کا انعقاد
صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…
حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں