روس کےنفسیاتی اسپتال میں آتشزدگی، 38 ہلاک

روس میں نفسیاتی اسپتال میں آتشزدگی سے نرسوں سمیت 38 افراد ہلاک ہوگئے جبکہ صرف تین افراد اپنے جان بچاکر بھاگ نکلنے میں کامیاب رہے۔
میڈیا رپورٹ کےمطابق ماسکو کے نواح میں واقع ڈمٹروف ڈسٹرکٹ کےگاؤں ریمینی میں قائم نفسیاتی اسپتال میں رات کو اچانک آگ بھڑک اٹھی جس کے نتیجے میں 38 افراد جھلس کر ہلاک ہوگئے۔
مقامی وقت کے مطابق آگ رات 2 بجکر 23 منٹ پر لگی، اس وقت اسپتال میں تین نرسوں سمیت 41افراد موجود تھے۔
ہلاک ہونے والوں میں 2 نرسز بھی شامل ہیں جبکہ ایک نرس اور دو مریض عمارت سےنکلنے میں کامیاب ہوگئے ، فائر فائٹر جائے حادثہ  پر پہنچے تو آگ نے پوری طرح اسپتال کی عمارت کو لپیٹ میں لے رکھا تھا۔
اسپتال کی کھڑکیوں پرلوہے کے گرل لگے ہوئے تھے جس کی وجہ سےاندر پھنسے لوگوں کو نکلنے کا موقع نہیں مل سکا۔
ابتدائی رپورٹ کےمطابق آگ شارٹ سرکٹ کی وجہ سے لگی تاہم آتشزدگی کی اصل وجہ معلوم کرنے کیلئے تحقیقات شروع کردی گئی ہے۔

دی نیوز ٹرائب