Categories: مشرق وسطی

شامی فوج کے لاجسٹک سیل کے سربراہ کا اعلان بغاوت

شامی فوج کے سپلائی اور لاجسٹک ڈویژن کے سربراہ میجر جنرل محمد نورعزالدین نے بشار الاسد کے خلاف علم بغاوت بلند کرتے ہوئے شامی انقلابیوں کی صفوں میں شمولیت کا اعلان کیا ہے۔

العربیہ سے خصوصی گفتگو کرتے ہوئے میجرجنرل خلوف نے کہا کہ انحراف کے اعلان سے پہلے انہوں نے کچھ دیر انقلابیوں کو منظم کرنے کا کام خفیہ طور پر سرانجام دیا۔
العربیہ کی شام میں نامہ نگار نے بتایا کہ میجر جنرل محمد نورعزالدین خلوف کے اعلان بغاوت کے ساتھ فضائیہ کے اکانوے اسکواڈرن کے خفیہ سیل میں ان کے بیٹے کیپٹن عزالدین خلوف نے بھی اپنے والد کے نقش قدم پر چلتے ہوئے بشار الاسد کی فوج کو خیرباد کہہ دیا ہے۔
ادھر العربیہ ذرائع نے بتایا ہے کہ کیوبا میں شام کے قونصل جنرل ھیثم حمیدان بھی بشار الاسد کی سفارتی نمائندگی سے تائب ہو کر انقلابیوں کی حمایت کا اعلان کر چکے ہیں۔
شام میں انقلابی تحریک کے دو برس مکمل ہونے پر ملک کے مختلف شہروں میں ہزاروں شامیوں نے احتجاجی مظاہرے کئے۔ دمشق میں سرکاری توپخانے کی بمباری سے بے نیاز ہزاروں افراد نے مظاہرہ کیا جس میں تحریک کی جدوجہد کو خراج تحسین پیش کیا گیا۔
شام میں عوامی تحریک کے تیسرے برس میں داخل ہونے کے موقع پرجیش الحر کے سربراہ بریگیڈئر جنرل سلیم ادریس نے بشار الاسد حکومت کے خاتمے اور جمہوری حکومت کے قیام تک اپنی جدوجہد جاری رکھنے کا اعلان کیا ہے۔
شامی عوام کی جدوجہد کو طاقت کے زور پر دبانے کی تمام تر کوششوں کے باوجود عوام نے انقلاب کا جشن منایا جبکہ سرکاری فوج نے دمشق کے نواحی الیرموک کیمپ پر ہفتے کے روز بھی گولا باری کا سلسلہ جاری رکھا۔

العربیہ نیوز

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago