Categories: مشرق وسطی

شامی فوج کے صوبہ دمشق میں فضائی حملے، گولہ باری، 178 ہلاک

شام کے دارالحکومت دمشق کے نواح میں صدر بشار الاسد کی وفادار فوج نے باغیوں کے ٹھکانوں پر فضائی حملے کیے ہیں اور ٹینکوں سے گولہ باری کی ہے جبکہ فلسطینی مہاجرین کے کیمپ میں شامی صدر کے حامیوں اور مخالفین میں جھڑپوں کی اطلاعات ملی ہیں۔
لندن میں قائم شامی آبزرویٹری برائے انسانی حقوق کی اطلاع کے مطابق سرکاری فوج کے جنگی طیاروں نے دمشق سے شمال مشرق میں واقع قصبے الدوما میں جیش الحر کے ٹھکانوں پر بمباری کی ہے۔اس قصبے پر شامی فوج گذشتہ کئی ہفتوں سے فضائی حملے کر رہی ہے۔

شامی فوج نے باغیوں کی مزاحمت کو کچلنے کے لیے دمشق کے نزدیک واقع قصبوں داریا، الشام، یلدا اور بیت ساحم میں باغیوں کے ٹھکانوں پر ٹینکوں سے گولہ باری کی ہے۔شامی حکومت کے حامی ایک روزنامے الوطن نے پہلی مرتبہ صوبہ دمشق میں سرکاری فوج کے فضائی حملوں اور توپ خانے سے گولہ باری کا اعتراف کیا ہے۔

اخبار نے یہ بھی بتایا ہے کہ فلسطینی مہاجرین کے کیمپ یرموک میں صدر بشارالاسد کی حامی ایک فلسطینی تنظیم پاپولر کمیٹیز اور مسلح جنگجوؤں کے درمیان جھڑپیں جاری ہیں۔ ان کے درمیان کشیدگی کی وجہ سے کیمپ میں بیکریاں بند ہو گئی ہیں اور بریڈ کی قلت کی پیدا ہو گئی ہے۔

آبزرویٹری کی ایک اور اطلاع کے مطابق ترکی کی سرحد کے نزدیک واقع کرد اکثریتی شہر راس العین میں گذشتہ چھے روز سے مقامی کردوں اور باغی جنگجوؤں کے درمیان جھڑپیں جاری ہیں اور ان میں چھپن جنگجو مارے گئے ہیں۔

شام میں منگل کو تشدد کے یہ واقعات ملک کے مختلف علاقوں بم دھماکوں اور جھڑپوں میں ایک سو اٹھہتر افراد کی ہلاکت کے ایک روز بعد رونما ہوئے ہیں۔ سوموار کو وسطی صوبے حماہ کے قصبے سلامیہ میں ایک خودکش بم دھماکے میں حکومت نواز ملیشیا کے اکتیس ارکان سمیت بیالیس افراد ہلاک ہو گئے تھَے۔ ان میں خواتین اور بچے بھی شامل تھے۔


العربیہ ڈاٹ نیٹ

modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago