Categories: افغانستان

افغانستان میں طالبان دوبارہ سر اٹھا رہے ہیں،ایساف فورس کا اعتراف

قندھار (جنگ نیوز) افغانستان میں ایساف فورس نے اعتراف کیاہے کہ طالبان دوبارہ سر اٹھا رہے ہیں اور لڑائی میں اضافہ ہوگیاہے۔

ایساف کمانڈر کا کہنا ہے کہ جنوبی افغان صوبہ قندھار میں طالبان کے مضبوط ٹھکانوں کے خاتمے کیلئے2004ء میں عراقی شہر فلوجہ طرز کی لڑائی کا امکان نہیں ہے۔
یہ بات جنوبی افغانستان میں ایساف فورسز کے کمانڈر میجر جنرل نک کارٹر نے ایک برطانوی خبر رساں ادارے کو دیے گئے انٹرویو میں کہی۔ انہوں نے کہاکہ مقامی افغان لوگ ہی طالبان کا خاتمہ کرینگے۔
واضح رہے کہ اتحادی افواج حالیہ کئی ہفتوں سے قندھار میں طالبان کے خلاف بڑے پیمانے پر آپریشن کی تیاریاں کررہی ہیں، جس میں تقریباً ڈیڑھ لاکھ افغان و اتحادی فوجی حصہ لیں گے۔
2004ء میں عراق کے شہر فلوجہ میں ہونے والی خونریز لڑائی کا حوالہ دیتے ہوئے کہاکہ قندھار میں اس طرح کی تباہی کا امکان نہیں ہے جہاں امریکی فوج کو گلیوں میں مزاحمت کاروں کے ساتھ روبرو لڑائی کا سامنا کرنا پڑا۔
جنرل کارٹر نے اعتراف کیا کہ قندھار میں حالیہ امریکی و نیٹو فوجیوں کی ہلاکتوں کے بعد لڑائی میں اضافہ ہورہاہے تاہم اتحادی افواج نے طالبان کی ناک میں دم کررکھاہے اس میں کوئی شک نہیں کہ طالبان دوبارہ سے سراٹھا رہے ہیں اور وہ مزاحمت کررہے ہیں۔
انہوں نے کہاکہ ماہ رمضان کے آغاز پر صوبے میں سیکورٹی صورتحال میں بہتری کا امکان ہے اور مستحکم قندھار آئندہ سال کے آغاز کے ساتھ امریکی و نیٹو فورسز کیلئے اہم ہے۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago