Categories: افغانستان

ہلمند میںآپریشن کے دوران 63 قبائلی ہلاک، بم دھماکے میں امریکی فوجی ماراگیا

کابل (اے ایف پی / اے پی پی) افغان صوبے ہلمند میں افغان اور اتحادی فوجیوں کے مشترکہ آپریشن کے دوران 63 افغان قبائلی ہلاک ہوگئے جبکہ 16 ٹن سے زائد منشیات قبضے میں لے لی گئی۔

دوسری جانب شمالی افغانستان میں ایک اور کارروائی میں 14 طالبان جنگجو مارے گئے جبکہ بم پھٹنے سے ایک امریکی فوجی بھی مارا گیا۔ تفصیلات کے مطابق افغان وزارت داخلہ کی جانب سے جاری بیان میں کہا گیا ہے کہ جنوبی افغانستان میں افغان اور اتحادی فوج کے مشترکہ آپریشن میں 63 افغان قبائلی ہلاک ہوگئے ہیں جن کے قبضے سے 16 ٹن سے زائد منشیات برآمد کرلی گئی ہے۔ بیان میں کہا گیا ہے کہ آج آپریشن مکمل ہوگیا ہے اور اس دوران افیون کو ہیروئن میں بدلے کے 2 کارخانے بھی تباہ کردیئے گئے۔ ادھرامریکی فوج کے ترجمان میجر جنرل مائیکل دوبے نے بتایا کہ ہفتہ اور اتوار کی درمیانی شب بگرام ایئر بیس کے قریب بم دھماکے میں ایک امریکی فوجی ہلاک ہوگیا۔
دریں اثناء بین الاقوامی سلامتی معاون فورس ایساف کی طرف سے کابل میں جاری ہونے والے ایک بیان میں کہا گیا ہے کہ قندھار میں آپریشن کے دوران 2 افغان شہریوں جن میں ایک خاتون بھی شامل تھی، کو غلط فہمی کی بنیاد پر اتحادی فوج نے ہلاک کیا تھا۔ بیان کے مطابق اس کارروائی میں طالبان کے ایک اہم کمانڈر کو حراست میں لیا گیا تھا۔ بیان کے مطابق اس واقعہ کی مزید تحقیقات ہورہی ہیں۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago