Categories: پاکستان

کابینہ اجلاس سے جے یو آئی کے وزراء کا واک آؤٹ

اسلام آباد(ایجنسیاں) پیپلزپارٹی حکومت اور جمعیت علمائے اسلام (ف) کے درمیان اختلافات شدت اختیارکرگئے ہیں.

ہفتہ کوجے یوآئی سے تعلق رکھنے والے وفاقی وزیربرائے سائنس اینڈٹیکنالوجی اعظم سواتی اور وزیرسیاحت مولاناعطاء الرحمن نے وفاقی کابینہ کے بجٹ اجلاس سے بائیکاٹ کیاجبکہ جے یوآئی کی پارلیمانی پارٹی نے مولانافضل الرحمن سے حکومت سے علیحدہ ہونے کامطالبہ کیاہے جس پرفضل الرحمن نے حتمی فیصلے کیلئے جے یو آئی ف کی مجلس شوریٰ کا اجلاس آئندہ ہفتے بلا لیاہے.
وزیراعظم نے جے یوآئی کے وزراء کے واک آوٴٹ پر برہمی اورناراضگی کااظہار کرتے ہوئے کہاہے کہ اس طرح جانا درست نہیں ،اگرجاناہے تواستعفیٰ دے کرجائیں۔
تفصیلات کے مطابق دو وفاقی وزراء مولانا عطاء الرحمن اور اعظم سواتی نے وزارتوں کو مناسب فنڈز نہ ملنے پر شدید احتجاج کرتے ہوئے وفاقی کابینہ کے بجٹ اجلاس سے واک آؤٹ کر دیا ۔وفاقی وزیر برائے قانون وانصاف و پارلیمانی امور ڈاکٹر بابر اعوان انہیں منانے کیلئے آئے تاہم انہوں نے اجلاس میں واپس جانے سے انکار کر دیا۔
واک آوٴٹ کے بعدصحافیوں سے گفتگوکرتے ہوئے اعظم سواتی نے بتایا کہ ان کی وزارت کے ساتھ بہتر سلوک نہیں کیا جارہا، انہیں بجٹ نہیں دیا جاتا ‘کٹوتی بھی کی گئی ہے، اس لئے وہ اس عمل میں شریک نہیں ہونگے ۔ وفاقی وزیر سیاحت مولانا عطاء الرحمن نے کہا کہ بجٹ اجلاس سے اس لئے واک آؤٹ کیا ہے کہ جے یو آئی ف کے پاس صرف دو وزارتیں ہیں ۔
modiryat urdu

Recent Posts

مقامی افراد کی تقرری تمام قوموں اور مذاہب کا مشترکہ مطالبہ ہے

مقامی افراد کی تقرری تمام قوموں اور مذاہب کا مشترکہ مطالبہ ہے

1 day ago

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ ایرانی عوام کا حق ہے

ایران کے قومی مفاد میں جوہری ہتھیاروں کی تیاری نہیں؛ پُرامن جوہری ٹیکنالوجی سے استفادہ…

6 days ago

امیر تبلیغی جماعت حضرت مولانا نذرالرحمٰن انتقال کر گئے

امیر تبلیغی جماعت حضرت مولانا نذرالرحمٰن انتقال کر گئے

6 days ago

قرآن و سیرت کی تدریس کے طریقۂ کار پر تربیتی ورکشاپ کا انعقاد

قرآن و سیرت کی تدریس کے طریقۂ کار پر تربیتی ورکشاپ کا انعقاد

7 days ago

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا چاہیے

صوبے کے انتظامی امور میں مقامی اور اہلِ سنت افراد کو مؤثر کردار ادا کرنا…

1 week ago

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

حکام براہِ راست مذاکرات اور معاہدے کی منظوری کے ذریعے جنگ کو پھیلنے سے روکیں

1 week ago