سنیآنلاین| پیرمحمد ملازهی، شه ملک ءُ بلوچستان ءِ نامپرشتێں ندکار، هالتاکنبیس، کواس ءُ سیاستزانتاں یکشمبی ءِ بێگاه ءَ (۶ خرداد ۱۴۰۲) ماں 78 سالگی ءَ تهران ءِ توس نادراهجاه ءَ بێران بوت.
پیرمحمد ملازهی شه بلوچانی بےمٹێں مزنسسا ءُ کواساں ات که دنیا ءِ سیاسی مسائل ءُ هاسکار ایران، اۆگانستان، پاکستان ءُ هند ءِ مسائلان ءَ گۆں کاربلدی ءَ رێسءُپرێسے کرت. هدامرزی ملازهی ءِ گهوانی ءُ ٹکێں دیدانکاں بلوچستان ءِ مسائلانی باروا آیی نبشتهانی تها پدر انت. آیی ماں هر گندءُنند ءُ نبشتانکے بلوچستان ءِ مشکلان ءَ درشان کرت ءُ آوانی باروا جوانێں تۆجیل پێشے داشت.
شه هدامرزی ملازهی ءَ بلوچستان ءِ راجدپتر، دۆدءُربێدگ ءُ سیاسی مسائلانی باروا بازێں نبشتانک ءُ گپءُترانے منتگ که شه اے ڈیه ءِ پر بهائێں مڈیان انت.
استاد ملازهی ءَ سالانی سال په وتی بزگ ءُ بےوسیں راج ءِ جاور ءِ گھبودی ءَ جهد کرت ءُ مرۆچی آیی روگ پرے راج ءَ سک گرانێں تاوانے. شه الله پاک ءَ لۆٹ اێں آ هدامرزی ءَ بکشاییت ءُ آیرا وتی رحمتانی ساھگ ءِ چیر ءَ جاه به دنت ءُ آیی پشپدان ءَ اوپار ءِ هاٹیگ بدنت.
اگں کارمستراں مردمانی هبراں بُشکتێں، همملکیاں کُشَگ نه بوت انت ءُ ملک اے جاور ءِ دۆچار نه بوت شیخالاسلام مولانا…
ڈاکٹر حبیبالله سالارزهی ءِ نمازجنازه ءِ دیوان مرۆچی دۆشمبے ءَ (29 شهریور/20 سپتمبر) شه پێشین ءِ نماز ءَ پد ماں…
ڈاکٹر حبیبالله سالارزهی سیستان ءُ بلوچستان ءِ «پارک علم ءُ فناوری» ءِ سرمستر مرۆچی سهب ءَ (شمبے 28 شهریور 1405/…
پاکستان ءِ اُستان خیبر پختونخوا ءِ شھر کوھاٹ ءَ کوھنیں پولیس لائنز ءَ بوتگیں تراک ءَ چہ 5 پولیس کارمند…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (20 شهریور 1405/ 8 سپتمبر 2026) وتی بژن ءَ شه…
شیخالاسلام مولانا عبدالحمید، ماں زاهدان ءِ نمازجمعه ءِ دیوان ءَ (13 شهریور 1405/ 4 سپتمبر 2026) مردمانی زندمان ءُ رۆزیگی…