اوز (سنی آن لائن) ایران کے صوبہ فارس کے شہر اوز کے خطیب اور ممتاز مفتی ‘‘شیخ عبدالعزیز قاضی زادہ’’ طویل علالت کے بعد جمعہ سولہ جون دوہزار تئیس کو گرامش شہر کے اسپتال میں انتقال کرگئے۔
صوبہ فارس کے مقامی ذرائع ابلاغ کے مطابق، شیخ قاضی زادہ کی نماز جنازہ اتوار اٹھارہ جون کو اوز شہر کی عیدگاہ میں ادا کی گئی۔
شیخ عبدالعزیز قاضی زادہ 1949ء کو صوبہ فارس کے اوز شہر میں ایک معروف دینی اور علمی گھرانے میں پیدا ہوئے۔ آپؒ نے ابتدائی تعلیم آبائی شہر میں حاصل کرنے کے بعد مزید تعلیم کے لیے بندر لنگہ کے سلطان العلما دینی مدرسے میں داخلہ لیا جہاں آپؒ نے سات سال تعلیم حاصل کی۔ پھر متحدہ عرب امارات کے شہر راس الخیمہ گئے جہاں علمی معہد میں تین برس تک زیرِ تعلیم رہے۔ شیخ قاضی زادہ نے علمی سفر جاری رکھتے ہوئے پھر مدینہ منورہ گئے جہاں آپ نے اسلامی یونیورسٹی آف مدینہ میں 1984 ء میں اسلامی علوم میں ماسٹر کیا۔
تعلیم مکمل کرنے کے بعد، شیخ عبدالعزیز نے بندر خمیر کے مدرسہ صدر الاسلام، اوز کے دینی مدارس میں تدریس کے علاوہ، مدرسہ عالیہ احمدیہ اوز کے اہتمام، اہل سنت والجماعت جنوب کی فتوا کمیٹی میں رکنیت اور اوز میں خطابت کے ذریعے دینی خدمات پیش کی۔
ایرانی عوام شدید ترین مہنگائی کا سامنا کر رہے ہیں؛ حکومت، پارلیمان اور نظامِ حاکمیت…
خراسان کے اہلِ سنت کا بارہواں فقہی مشاورتی اجلاس جمعرات کی صبح، 22 اکتوبر 2026ء…
ترکیہ اور آذربائیجان کے درمیان دیرینہ دوستانہ تعلقات میں تناؤ بڑھنے لگا ہے۔
فرانس کے وزیرِاعظم سیباستیان لیکورنو نے پیر کے روز مختلف علاقوں میں محدود پیمانے پر…
فیلڈ مارشل سید عاصم منیر اہم دورے پر ایرانی دارالحکومت تہران پہنچ گئے۔
جمہوریہ آذربائیجان کے اسکولوں میں حجاب پر پابندی جمہوریت کے اصولوں کے خلاف ہے؛ صدرِ…