یورپ کی 100 تنظیموں کی اسرائیلی بائیکاٹ مہم، حماس کا خیر مقدم

اسلامی تحریک مزاحمت “حماس” نے یورپ میں سول سوسائٹی کی 100 تنظیموں کی طرف سے شروع کی گئی مہم کا خیرمقدم کیا ہے جس میں دس لاکھ افراد کے دستخط جمع کیے گئےہیں۔ اس مہم میں یورپی کمیشن سے صیہونی بستیوں کے ساتھ تجارت بند کرنے کا مطالبہ کیا گیا۔
منگل کو ایک پریس بیان میں حماس نے ان “معززاداروں” کی تعریف کی اور دنیا کے آزاد لوگوں اور انصاف کے حامیوں سے مطالبہ کیا کہ وہ آبادکاری کی سرگرمیوں میں تیز رفتاری اور آبادکاروں کی بڑھتی ہوئی تیزی کے سامنے کھڑے ہوں۔ مغربی کنارے میں اسرائیلی جرائم اور حملوں کی روک تھام کی جائے۔
حماس نے بین الاقوامی برادری اور انسانی حقوق کی تنظیموں سے مطالبہ کیا کہ وہ فلسطینی عوام کے اپنی سرزمین کو دوبارہ حاصل کرنے، ان کے حقوق حاصل کرنے اور خود ارادیت کے حق کی حمایت کریں۔
پیر کے روزہیومن رائٹس واچ نے یورپی کمیشن سے مطالبہ کیا کہ وہ یورپی یونین اور مقبوضہ علاقوں میں آباد کاری کے درمیان تجارت پر پابندی عائد کرے۔ اس کے بعد اس نے یورپی شہریوں کے اقدام پر دستخط کیے ہیں۔
انسانی حقوق کی تنظیم نے اپنی سرکاری ویب سائٹ پر شائع ہونے والے ایک بیان میں کہا ہے کہ اس اقدام کی قیادت یورپی شہریوں نے کی ہے جو ستمبر 2021 میں یورپی کمیشن کے ساتھ رجسٹرڈ ہوئے تھے۔
تنظیم نے اشارہ کیا کہ اگر یہ اقدام تقریباً 10 لاکھ دستخط جمع کرنے میں کامیاب ہو جاتا ہے تو یورپی کمیشن “قانونی طور پراسرائیلی ریاست کی مصنوعات کی تجارت پر پابندی لگانے پر غور کرنے کا پابند ہو گا۔
نومبر 2015 میں یورپی کمیشن نے اسرائیلی بستیوں کی مصنوعات پر لیبل لگانے پر اتفاق کیا تاکہ ان میں فرق کیا جا سکے۔
یورپی یونین اسرائیلی بستیوں کو غیر قانونی اور ’امن‘ کی راہ میں رکاوٹ سمجھتی ہے۔