شام میں اتحادی افواج کے دو فضائی حملوں میں کم سن بچی سمیت 12 شہری جاں بحق ہوگئے۔
بین الاقوامی خبر رساں ادارے کے مطابق شام میں بشارالاسد کی اتحادی افواج نے دو مختلف مقامات پر شدید بمباری کی جس کے نتیجے میں کم سن بچی سمیت 12 شہری جاں بحق ہوگئے۔
اتحادی افواج کے طیاروں نے ادلب میں داعش جنگجوؤں کے ٹھکانے کو نشانہ بنایا جس میں 8 ہلاکتیں ہوئیں جب کہ اس علاقے میں ایک مارکیٹ کو بھی ہدف بنایا گیا جہاں کم سن بچی سمیت 4 افراد لقمہ اجل بن گئے۔
شام میں اقوام متحدہ کے انسانی ہمدردی امور سے متعلق ادارے نے دعویٰ کیا ہے کہ فضائی حملوں میں ہونے والی ہلاکتیں عام شہریوں کی ہیں جب کہ رہائشی عمارتیں اور تجارتی مراکز مکمل طور پر تباہ ہوگئیں۔
واضح رہے کہ شام میں داعش کے آخری ٹھکانے ادلب میں اتحادی افواج اور جنگجوؤں کے درمیان گھمسان کی جنگ جاری ہے جس میں زیادہ نقصان عام شہریوں کا ہو رہا ہے۔ فریقین کے درمیان معاہدے کے تحت ایک ’بفرزون‘ قائم کردیا گیا ہے تاہم جنگجوؤں کی جانب سے پیش قدمی جاری ہے۔
رسولِ اکرم ﷺ کا میلاد «نور و رحمت کا میلاد» اور «انسانیت پر اللہ تعالیٰ…
صوبے اور ملک میں انتہاپسندی سے کوئی نتیجہ حاصل نہیں ہوا اور نہ ہی ہوگا؛…
سنی بلوچ علما کے خلاف بڑھتے ہوئے سکیورٹی دباؤ اور تعاقب کے درمیان گزشتہ دنوں…
سیستان و بلوچستان کے ایک اعلیٰ عہدیدار کے اشتعال انگیز بیانات پر علما، قبائل اور…
زم زم کا پانی روئے زمین پر اللہ تعالیٰ کی عظیم الشان اور لا زوال…
غزہ میں درجنوں فلسطینی صحافیوں نے پیر کے روز الجزیرہ چینل سے وابستہ اپنے 6…