بلوچ سنی شہری ڈپٹی کمشنر مقرر ہوا

گرگان (سنی آن لائن) صوبہ گلستان کے ضلع آزادشہر میں انقلاب کے بعد پہلی بار ایک سنی شہری کو ڈپٹی کمشنر کے عہدے پر مقرر کیاگیا ہے۔
سنی آن لائن نے رپورٹ دی، آزادشہر کے نومنتخب ڈپٹی کمشنر کا تعلق بلوچ سنی برادری سے ہے۔ ’حسین لاری کمان‘ کا حکم نامہ ایک سرکاری تقریب میں انہیں دیا گیا۔
لاری کمان کی تقرری میں مولانا محمدحسین گورگیج (خطیب اہل سنت آزادشہر) اور رکن پارلیمان علی رضا ابراہیمی کی کوششوں نے کلیدی کردار ادا کیا۔
موصوف نے اسلامیات میں بی اے اور اسلامی عقائد و فلسفہ میں ماسٹر کی ڈگری حاصل کیا ہے۔ اس سے پہلے ان کی زیادہ تر سرگرمیاں شعبہ تعلیم میں جاری رہی ہیں۔