امریکہ میں پھر مسجد نذرآتش

یہاںکے ٹمپا علاقے میں گذشتہ روز کسی نامعلوم شخص نے ایک مسجد کو نذرآتش کیا۔ اس علاقے میں ایک سال سے کم عرصے میں مسجدوں کو جلانے کا یہ تیسرا واقعہ ہے۔
شہر میں آگ بجھانے والے عملے کے ترجمان کورے ڈیر ڈورف نے ایک انگریزی اخبار کو بتایا کہ گذشتہ روز صبح سویرے دادالسلام مسجد میں آگ لگنے کی اطلاع ہم کو خود کارآلے کے ذریعہ ملی۔ اس کے بعد آگ بجھانے والا عملہ متحرک ہوا اورآگ پر قابو پایا۔ آگ سے مسجد کے ایک حصے کو نقصان پہنچا۔امریکہ اور اسلام کے درمیان تعلقات سے متعلق کونسل کے فلوریڑا کے ترجمان ولفریڈو روئز نے کہا کہ امریکہ میں نفرت کی مہم چلائی جارہی ہے اور لوگ اس سے متاثر ہوکر جرائم کا ارتکاب کررہے ہیں۔ یہ امر باعث تشویش ہے۔

بصیرت آن لائن