ایران: قاری عبداللطیف انتقال کرگئے

زاہدان (سنی آن لائن) ایرانی بلوچستان کے صدرمقام زاہدان سے تعلق رکھنے والے ممتاز عالم دین مولانا قاری عبداللطیف انتقال کرگئے، انا للہ و انا الیہ راجعون۔

سنی آن لائن کی رپورٹ کے مطابق مدرسہ تجوید القرآن کے مہتمم مولانا قاری عبداللطیف طویل علالت کے بعد منگل تیس دسمبردوہزار چودہ (سات ربیع الاول) کی صبح خالق حقیقی سے جا ملے۔
قاری عبداللطیف کا شمار زاہدان کے معروف علما میں ہوتاہے جنہوں نے پوری زندگی علم اور قرآن کی خدمت کے لیے وقف کررکھی تھی۔
ان کی نمازجنازہ جامعہ دارالعلوم زاہدان کے احاطے میں پڑھی گئی جہاں سینکڑوں افراد نے شرکت کی۔
سنی آن لائن ٹیم نے اس موقع پر مرحوم کے اہل خانہ، تلامذہ و متعلقین سے تعزیت کا اظہار کرتے ہوئے ان کی مکمل مغفرت کے لیے دعا کی ہے۔