ہیکرز کے ایک دن میں 100 امریکی اور اسرائیلی ویب سائیٹس پر حملے

نامعلوم ہیکرز کی جانب سے اسرائیل اور بعض دوسرے ممالک کی ویب سائیٹس کو ہیک کیے جانے کے لیے حملے بدستور جاری ہیں۔ تازہ سائبر حملے میں امریکا اور اسرائیل کی 100 ویب سائیٹس کو ہیک کرنے کی کوشش کی گئی ہے۔

نیوز ویب پورٹل “روٹر”‌ کے مطابق گذشتہ شب نامعلوم ہیکرز کی جانب سے اسرائیل کی 100 اور امریکا کی دسیوں ویب سائیٹس میں نقب لگانے کی کوشش کی گئی، جس کے نتیجے میں بعض ویب سائیٹس گھنٹوں بند رہیں۔ ہیکرز کی جانب سے اسرائیل اور امریکا سمیت بعض دوسرے ممالک کو بھی پیش آئند ایام میں مزید سائبر حملوں کی دھمکی دی گئی ہے۔

رپورٹ میں بتایا گیا ہے کہ ہیکرز نے اسرائیل کی ایک سو ویب سائیٹس ہیک کرنے کے بعد ان پر اسرائیل مخالف بیانات بھی پوسٹ کیے جن میں اسرائیل کو قاتل اور جنگ مجرم ریاست قرار دیا گیا۔

ہیکرزکا مزید کہنا تھا کہ ایک سو ویب سائیٹ ان کا پہلا ہدف تھا۔ اگلے مرحلے میں وہ مزید کئی سو دوسری ویب سائیٹس کو بھی ہیک کریں گے۔

مرکز اطلاعات فلسطین