عراق، دهماکے میں 37 افراد ہلاک، 50 زخمی

عراقی دارالحکومت بغداد  میں بم دھماکے کے نتیجے میں 37  افراد ہلاک جبکہ 50  سے زائد زخمی ہوگئے۔

ذرائع ابلاغ کے مطابق گذشتہ شب دارالحکومت بغداد میں واقع ایک کیفے میں بم دھماکا اس وقت ہوا جب نوجوانوں کی بڑی تعداد وہاں ویڈیو گیمز اور بلیئرڈ کھیل رہی تھی۔ سیکیورٹی حکام کے مطابق ہلاک ہونے والوں میں خواتین اوربچے بھی شامل ہیں۔

اضح رہے کہ رواں ماہ عراق میں ہونے والے حملوں میں مذکورہ حملے کو خونریز ترین حملہ قرار دیا جارہا ہے اور یہ حملہ ایسے وقت ہوا ہے جب عراق میں امریکی فوج کے انخلاکے بعد پہلی بار الیکشن ہورہے ہیں۔ پرتشدد کارروائیوں میں عراقی الیکشن میں حصہ لینے والے تقریبا 14 امیدواروں کو بھی مارا جاچکا ہے جس کی وجہ سے الیکشن پر سوالات بھی اٹھ رہے ہیں۔

ایکسپریس نیوز